قىرعىزستاننىڭ قۇس ەتى مەن جۇمىرتقاعا شەكتەۋ ەنگىزۋىنە قازاقستان تاراپى نارازىلىق ءبىلدىردى

None
None
استانا. قازاقپارات - قازاقستان رەسپۋبليكاسى اۋىل شارۋاشىلىعى مينيسترلىگى قىرعىزستان رەسپۋبليكاسىنىڭ وتاندىق قۇس ەتى مەن جۇمىرتقاعا شەكتەۋ ەنگىزۋىنە قاتىستى رەسمي مالىمدەمە تاراتتى، دەپ حابارلايدى قازاقپارات ءتىلشىسى.

«قىرعىز رەسپۋبليكاسىنىڭ الماتى جانە سولتۇستىك قازاقستان وبلىستارىنان قۇس ەتى مەن جۇمىرتقانى اكەلۋگە شەكتەۋ ەنگىزگەنى زاڭسىز. سوڭعى 10 جىلدىڭ ىشىندە الماتى وبلىسىندا قۇس اۋرۋلارى تىركەلگەن جوق. ال سولتۇستىك قازاقستان وبلىسىنىڭ ايىرتاۋ اۋدانىندا قۇستاردىڭ نيۋكاسل ىندەتى بويىنشا جاريالانعان كارانتين 2018 -جىلى 19 -قىركۇيەكتە الىپ تاستادى. وسىعان بايلانىستى الماتى جانە سولتۇستىك قازاقستان وبلىستارىنان قۇس ەتى مەن جۇمىرتقانى اكەلۋگە قىرعىز رەسپۋبليكاسىنىڭ ەنگىزگەن شەكتەۋلەرى قۇقىققا جات بولىپ تابىلادى. ءتيىستى حات قىرعىز رەسپۋبليكاسى ۇكىمەتىنىڭ جانىنداعى ۆەتەريناريالىق جانە فيتوسانيتاريالىق قاۋىپسىزدىك بويىنشا مەملەكەتتىك ينسپەكسياسىنا جىبەرىلدى»، - دەلىنگەن ا ش م- نىڭ رەسمي حابارلاماسىندا.

 

سوڭعى جاڭالىقتار