سەربيا قازاقستاندىق كاسىپكەرلەرگە سۋبسيديا بەرمەك

None
None
 استانا. قازاقپارات - بۇگىن ەلوردادا وتكەن قازاقستان- سەربيا بيزنەس- فورۋمىندا سەربيا پرەزيدەنتى الەكساندر ۆۋچيچ قازاقستاندىق كاسىپكەرلەردى ءوز ەلىنە ينۆەستيتسيا قۇرۋعا شاقىردى، دەپ حابارلايدى قازاقپارات ءتىلشىسى.

« ءبىز ەركىن ساۋدا ايماعى تۋرالى كەلىسىمگە تۇزەتۋ ەنگىزۋ باعىتىندا جۇمىس ىستەپ جاتىرمىز. ارىپتەستەرىمىزدەن قۇس ەتى، ىرىمشىك، شىلىم جانە وزگە دە تاۋارلاردى قوسا العاندا ە ا ە و نارىعىندا بىرنەشە تاۋارلىق پوزيتسيادا كەدەنسىز يمپورتتى قامتاماسىز ەتۋدى سۇراپ وتىرمىز. سونىمەن قاتار، 5 مىڭ اۆتوموبيل كۆوتاسى جايىندا دا ايتتىق. كەلەشەكتە ىنتىماقتاستىق ءۇشىن ۇلكەن كەڭىستىك تابامىز دەپ ۇمىتتەنەمىز. اۋىل شارۋاشىلىعى سالاسىندا ۇلكەن الەۋەت بار. بىزدەن اۋىل شارۋاشىلىعى سالاسىنان كوپ دەلەگات كەلدى، سىزدەرگە تابىستى كەلىسسوزدەر وتكىزدى تىلەيمىن» ، - دەدى سەربيا پرەزيدەنتى.

سونىمەن قاتار، مارتەبەلى مەيمان اسكەري- تەحنيكالىق سالادا دا ەكى ەل بىرلەسە جۇمىس ىستەي الاتىندىعىن باسا ايتتى.

«قازاقستاندىق ينۆەستورلاردىڭ ەلىمىزگە كەلگەنىن قالايمىز. Doing-business تىزىمىندە سىزدەردىڭ ىزدەرىڭىزدى الا تۇرمىز. سوڭعى ءۇش جىلدا ءبىز بۇل تىزىمدە ءبىرشاما جوعارىلادىق. ءۇش جىل قاتارىنان بىزدە پروفيتسيت ورىن الۋدا. بيۋدجەتىندە پروفيتسيت بايقالعان ەۋروپالىق ەلدەردىڭ سانى از» ، - دەدى الەكساندر ۆيچۋچ.

سەربيا پرەزيدەنتى قازاقستاندىق كاسىپكەرلەردى تۋريزم، قوناق ءۇي بيزنەسى سياقتى سالالارعا ەركىن كەلۋگە شاقىردى.

Сербия қазақстандық кәсіпкерлерге субсидия бермек

«سىزدەر بارىنشا قولايلى جاعداي مەن مەملەكەتتىك سۋبسيدياعا يە بولاسىزدار. سۋبسيديانى جاڭا جۇمىس ورنىندارىنىڭ سانى بويىنشا بەرەمىز. سۋبسيديا ۇسىنۋدى ءتۇرلى دەڭگەيلەرى مەن تاسىلدەرى بار. بىرلەسكەن كاسىپورىن قۇرۋ ارقىلى ءبىز ۇلكەن نارىقتى باعىندىرا الامىز. ماسەلەن، سىزدەر ءۇشىن باتىس- ەۋروپالىق، ال ءبىز ءۇشىن ەۋرازيالىق نارىق. Ritz Carlton سىندى قوناق ۇيلەرىڭىز قالاساڭىزدار بەلگرادتا دا بولادى» ، - دەدى ول.

ايتا كەتەيىك، بيزنەس فورۋم بارىسىندا ەكى ەلدىڭ اراسىندا 4 مەموراندۋمعا قول قويىلدى.

سوڭعى جاڭالىقتار