ايگىلى روي دجونس فيرۋزا ءشارىپوۆاعا ۆيدەوجولداۋ جىبەردى

 استانا. قازاقپارات - اتى اڭىزعا اينالعان بوكسشى كىشى روي دجونس ۆيدەوجولداۋ ءتۇسىرىپ، وندا قازاقستاندىق بوكسشى فيرۋزا ءشارىپوۆاعا كەلەسى جەكپە- جەگىندە ساتتىلىك تىلەدى، دەپ حابارلايدى قازاقپارات.

ول سونداي- اق بوكسشى قىزبەن كەزدەسۋگە ءۇمىتتى ەكەنىن اتاپ ءوتتى.

«حەي، فيرۋزا، بۇل كىشى روي دجونس. ساعان بار جاقسىلىقتى تىلەيمىن. سەنى سىرتتان باقىلاپ ءجۇرمىن، وتباسىم دا سەنى جاقسى كورەدى. بولاشاقتا وزىڭمەن كەزدەسۋگە ءۇمىتتىمىن. جەلتوقساندا وتەتىن كەلەسى جەكپە- جەگىڭدە ساعان ساتتىلىك تىلەيمىن» ، - دەدى روي دجونس ءوزىنىڭ بەينەجولداۋىندا.

ەسكە سالا كەتەيىك، كاسىبي بوكسشى فيرۋزا ءشارىپوۆا WIBA، WBC Silver، IBO Championship تۇجىرىمدارى بويىناش ەكى سالماق ساناتىندا ءبىرقاتار چەمپيوندىق بەلدىكتەردىڭ يەگەرى. ونىڭ رەسەيلىك يۋليا كۋتسەنكومەن جەكپە- جەگى كىشى روي دجونستىڭ پروموۋتەرلىك كومپانياسىنىڭ قولداۋىمەن ءوتتى.

ءشارىپوۆا ءوز تيتۋلدارىنىڭ ءبىرىن ءساتتى قورعاپ شىقتى. قازاقستاندىق بويجەتكەن كەلەسى جەكپە- جەگىن فينليانديادا WBC تۇجىرىمى بويىنشا الەم چەمپيونى ەۆا ۆالسترەممەن وتكىزبەك. وسىدان كەيىن ول كاسىبي رينگتە الەم چەمپيونىنىڭ تولىق تيتۋلىنا يە بولعان جالعىز قازاقستاندىق بوكسشى ايەل اتانۋى مۇمكىن.