قازاق مەسسيى «ۋفا» كومانداسىنان كەتۋى مۇمكىن

استانا. قازاقپارات - قازاقستاندىق «ۋفا» شابۋىلشىسى ەركەبۇلان سەيداحمەت تاياۋ ۋاقىتتا رەسەيلىك كلۋبتان كەتۋى مۇمكىن، دەپ حابارلايدى «SPORTINFORM» س ا ا.

«ۋفا» باسشىلىعى ونىڭ كەلىسىمشارتىن ساتىپ الاتىن كلۋب بولسا، قازاقستان سپورتشىسىن جىبەرۋگە دايىن. سەيداحمەت ازىرگە ءوز كومانداسىنىڭ باستاپقى قۇرامىنا ىلىگە الماي جاتىر. بۇدان بولەك، «ەركوشتىڭ» ءوزى الاڭدا ەمەس، كلۋبتىڭ لازارەتىندە كوپ ۋاقىت وتكىزۋدە. بۇل «ۋفا» باسشىلىعىنىڭ كوڭىلىنەن شىقپاي جاتىر.

قازىر سەيداحمەت قازاقستان ۇلتتىق قۇراماسىنىڭ قاراماعىندا. كلۋبقا قايتا ورالسا دا كوماندامەن جاتتىعۋدى جالعاستىرا بەرمەك. الايدا، «ۋفا» قىستا ونىمەن قوشتاسۋى مۇمكىن، سەبەبى ول لەگيونەر بولىپ سانالادى. سوندىقتان، ەركوش ترانسفەرگە قويىلۋى ىقتيمال.

قازاقستاندىق فۋتبولشىن «قايرات» پەن «استانا» الۋعا نيەتتى. وتاندىق فۋتبولدىڭ باستى تالانتىن الۋعا الماتىلىقتاردىڭ مۇمكىندىگى باسىم.