ايگىلى سپورتشى سەرىك قوناقبايەۆ حالىقارالىق سوتقا جۇگىنبەك
سەرىك قوناقبايەۆتىڭ مۇنداي قادامعا بارۋىنىڭ سەبەبى - AIBA سايلاۋ كوميسسياسىنىڭ ۇيىم پرەزيدەنتتىگىنە ونى قاتىسۋ قۇقىعىنان ايىرۋ تۋرالى شەشىمى بولىپ وتىر.
سەرىك قوناقبايەۆتىڭ ايتۋىنشا، سايلاۋ كوميسسياسىنىڭ شەتتەتۋ تۋرالى شەشىمىنىڭ سەبەبى مىنادا: دۇيسەنبى كۇنى، 24 -قىركۇيەكتە ونىڭ پايداسى ءۇشىن AIBA شتاب- پاتەرىنە جەتكىزىلگەن نوميناتسيالاردىڭ فورمالارى ەسەپتەلمەي قالعان. ويتكەنى، ەڭ سوڭعى مەرزىم 23 -قىركۇيەك كۇنى بولىپ بەكىتىلىپ كەتكەن.
شۆەيتساريانىڭ زاڭناماسىنا سايكەس، 23 -قىركۇيەك، ياعني جەكسەنبى جۇمىس كۇنى بولىپ ەسەپتەلمەگەندىكتەن، سوڭعى كۇن دۇيسەنبى بولۋى كەرەك بولعان.
«مەنىڭ پرەزيدەنتتىك كانديداتتاردىڭ سوڭعى تىزىمىنە ەنبەي قالعانىم تاڭعالدىرادى. مەنىڭ ويىمشا، ءبىزدىڭ سپورتتىڭ مۇددەسى ءۇشىن باسەكەلى سايلاۋ وتكىزۋ كەرەك. AIBA فەدەراتسياسىنىڭ مۇشەلەرى وزدەرى تىلەگەن كوشباسشىسىن تاڭداپ الۋى ءتيىس»، - دەدى قوناقبايەۆ.
ايتا كەتسەك، حالىقارالىق وليمپيادا كوميتەتىنىڭ اتقارۋشى پرەزيدەنتى توماس باح بۋەنوس- ايرەستە وتكەن وتىرىستا AIBA باسشىلىعىنىڭ ادىلەتتىلىگىنە قاتتى الاڭدايتىنىن ايتقان ەدى. ح و ك باسشىسى حالىقارالىق وليمپيادالىق سپورت ءتۇرى رەتىندە AIBA- نى مارتەبەسىنەن ايىرۋ ىقتيمالدىلىعى تۋرالى دا ايتىپ ءوتتى. بۇل دەگەنىڭىز وليمپيادا ويىندارىندا AIBA بوكسشىلار سايىسىن الداعى ۋاقىتتا وتكىزە المايدى دەگەندى بىلدىرەدى.
ەسكەرتۋ، اربيتراج - (فر. arbitrage- ارا اعايىندىق) - كاسىپورىندار، مەكەمەلەر، ۇيىمدار اراسىنداعى (مەملەكەت ىشىلىك)، سونداي-اق مەملەكەتتەر اراسىنداعى داۋ-دامايدى شەشۋ ءتاسىلى نەمەسە ارنايى ۇيىم.