قۇدىققا قۇلاعان جىرتقىش اڭدى قۇتقارۋ ءساتىنىڭ ۆيدەوسى جاريالاندى

 استانا. قازاقپارات - ءۇندىستاننىڭ ماحاراشترا شتاتىندا تابيعات قورعاۋ ۇيىمىنىڭ قىزمەتكەرلەرى تەرەڭدىگى توعىز مەترلىك قۇدىققا قۇلاعان قابىلاندى قۇتقارۋ وپەراتسياسىن جۇرگىزدى، دەپ حابارلايدى قازاقپارات.

ياداۆۆادي ەلدى مەكەنىنىڭ تۇرعىندارى سۋ ساقتايتىن قۇدىققا قۇلاپ كەتكەن جىرتقىشتى كورگەن.

وزدىگىنەن شىعا الماعان قابىلان ابدەن السىرەگەن. وقيعا ورنىنا كەلگەن ماماندار جىرتقىشقا قولدان جاسالعان ساتىلاردى ءتۇسىرىپ تىنىس الۋىنا مۇمكىندىك جاساعان. ارتىنشا ارنايى تور اكەلىنىپ، قۇدىققا ءتۇسىرىلدى.