ەلباسى ۇستاز بەدەلىن ارتتىرۋ ماسەلەسىن ۇدايى كوتەرىپ كەلەدى - مۇعالىم

الماتى. قازاقپارات - مەملەكەت باسشىسىنىڭ ءار جولداۋىندا ۇستازدارعا قاتىستى ماڭىزدى ماسەلەلەر ءسوز بولادى.

بۇل ۇسىنىستاردىڭ بارلىعى مۇعالىم بەدەلىن ارتتىرۋعا باعىتتالعان. وسىنداي ويىمەن الماتىداعى مۇقاعالي ماقاتايەۆ اتىنداعى № 140-مەكتەپ- گيمنازياسى قازاق ءتىلى مەن ادەبيەتى ءپانىنىڭ مۇعالىمى ساپۋرا تەمۋربايەۆا ءبولىستى.

ۇستاز ەلباسىنىڭ جولداۋىن ۇلكەن تەبىرەنىسپەن تىڭداعانىن جەتكىزدى.

«ەلباسىنىڭ بۇگىنگى جولداۋىندا وزەكتى ماسەلەلەر ايتىلدى. اسىرەسە، پەداگوگتاردىڭ بىلىكتىلىگىن ارتتىرۋعا قاتىستى كوزقاراستى وزگەرتۋ جايىندا ءسوز قوزعالدى. ەلباسى قازاقستاننىڭ بولاشاعى قازاق، ورىس، اعىلشىن تىلدەرىن ەركىن مەڭگەرگەن جاستاردا ەكەنىن اتاپ ءوتتى. بۇل ءىستى قازىر ق ر ب ع م جاقسى جۇزەگە اسىرىپ جاتىر. مەكتەپتەردە ورىس، قازاق، اعىلشىن تىلدەرىن وقىتۋ ماسەلەسى قولعا الىندى. ناتيجەسى ويداعىداي بولادى دەگەن ۇمىتتەمىز. جالپى، تەرميندەردى قازاق تىلىنە اۋدارۋ ماسەلەسىندە دە حالىقارالىق زاڭدىلىقتاردى ەسكەرۋ كەرەكتىگى ايتىلدى»، - دەيدى س. تەمۋربايەۆا.

ونىڭ ايتۋىنشا، ءبىلىم سالاسىنا ەلباسى تاراپىنان بارلىق جاعداي جاسالىپ وتىر.

ايتا كەتۋ كەرەك، پرەزيدەنت نۇرسۇلتان نازاربايەۆ اقوردادا قازاقستان حالقىنا جولداۋىن جاريا ەتتى.

ستراتەگيالىق قۇجات ەلىمىزدىڭ الەۋمەتتىك- ەكونوميكالىق دامۋىنىڭ وزەكتى ماسەلەلەرىنە جانە قازاقستاندىقتاردىڭ ءال-اۋقاتىن ودان ءارى ارتتىرۋ مىندەتتەرىنە ارنالعان.