پرەزيدەنت: قولما- قول اقشاسىز ەكونوميكاعا قاراي ءجۇرۋىمىز قاجەت
«بيزنەستى زاڭسىز اكىمشىلىك قىسىمدار مەن قىلمىستىق قۋدالاۋ قاتەرىنەن قورعاۋدى كۇشەيتۋ قاجەت. 2019 -جىلدىڭ 1 - قاڭتارىنان سالىقتىق بۇزۋشىلىقتارعا قىلمىستىق جاۋاپكەرشىلىك قولدانۋ شەگىن ولارعا ايىپپۇلدى ارتتىرا وتىرىپ، 50 مىڭ ا ە ك- كە دەيىن كوتەرۋدى تاپسىرامىن. بۇگىندە باسشىلار قۇجاتقا قول قويۋعا ەرتەڭ كەلىپ «جاعادان» الادى دەپ قورقادى جانە قورقىتادى. مەن ۇلتتىق قاۋىپسىزدىك قىزمەتىنە مۇنداي شەشەۋنىكتەردى ۇستاپ، قىلمىستىق ءىس قوزعاۋدى تاپسىرامىن» ، - دەدى نۇرسۇلتان نازاربايەۆ.
مەملەكەت باسشىسىنىڭ پايىمىنشا، سوندىقتان ەكونوميكالىق تەرگەۋلەر قىزمەتىن قايتا قۇرىپ، وعان قارجىلىق باقىلاۋ كوميتەتىنىڭ فۋنكتسيالارىن بەرۋ قاجەت جانە ونىڭ نەگىزى قىزمەتى كولەڭكەلى ەكونوميكامەن كۇرەس بولۋى ءتيىس.
«ءبىز قولما- قول اقشاسىز ەكونوميكاعا قاراي ءجۇرۋىمىز قاجەت. قولما- قول اقشا جۇرگەن جەردە پارا، بۇزۋشىلىقتار ورىن الىپ، ەكونوميكا كولەڭكەدە بولادى. سالىق، زەينەتاقى قورىنا، الەۋمەتتىك قورعا اۋدارىم جاسالمايدى. ۇكىمەت ەكونوميكانىڭ كولەڭكەلى اينالىمىن 3 جىلدىڭ ىشىندە كەمىندە 40 پايىزعا قىسقارتۋ بويىنشا ناقتى شارالار قابىلداۋى ءتيىس» ، - دەدى مەملەكەت باسشىسى.