ەندى ۆيدەوقوڭىراۋ ارقىلى مەملەكەتتىك قىزمەتتەردى الۋعا بولادى

None
None
استانا. قازاقپارات - «ازاماتتارعا ارنالعان ۇكىمەت» مەملەكەتتىك كورپوراتسياسى CISCO كومپانياسىمەن بىرگە مەملەكەتتىك قىزمەتتەردى قاشىقتىقتان ونلاين ۇسىنۋ جوباسىن جاسادى، دەپ حابارلايدى قازاقپارات.

ۆەدومستۆو باسپا ءسوز قىزمەتىنىڭ مالىمەتىنشە، ەندى 20 مەملەكەتتىك قىزمەتتى ۆيدەوبايلانىس ارقىلى الۋعا بولادى.

جەلىلىك تەحنولوگيالار ۆيدەوقوڭىراۋ ارقىلى 1414 ءبىرىڭعاي بايلانىس ورتالىعىنا حابارلاسىپ، قىزمەت الۋعا ءوتىنىم جاساۋعا مۇمكىندىك بەرەدى. وسى جوبا ارقىلى ءبىرقاتار اقپاراتتىق انىقتامالارعا - مەكەنجاي، سوتتىلىقتىڭ بار- جوعى، زەينەتاقى تولەمدەرى، تىركەلگەن قۇقىقتار، جىلجىمايتىن مۇلىكتىڭ بار- جوعى تۋرالى جانە تاعى باسقا دا انىقتامالارعا قول جەتكىزۋگە بولادى. سونداي- اق ۆيدەوقوڭىراۋ ارقىلى ەلەكتروندىق سيفرلىق قولتاڭبا (ە س ق) الۋعا ءوتىنىم بەرىپ، موبيلدى ازاماتتار بازاسىنا تىركەلۋگە بولادى.

پيلوتتىق جوبا استانا قالاسىندا - سىعاناق كوشەسى، 29 -ۇيدە ورنالاسقان «جيلسترويبانك» بولىمىندە، «قازپوشتا» سيفرلىق بولىمدەرىندە، بەيبىتشىلىك كوشەسى، 25-ۇيدە ورنالاسقان جۇمىسپەن قامتۋ ورتالىعىندا، سونداي-اق الماتى قالاسىنداعى «مەگا پارك» ساۋدا ۇيىندە ىسكە قوسىلدى. جۋىردا ماسكەۋدەگى قازاقستان رەسپۋبليكاسىنىڭ ەلشىلىگىندە جانە استانا LRT اۋماعىندا جۇزەگە اسىرۋ جوسپارلانۋدا.

قىزمەتتەر ءتىزىمى:

1. ب ج ز ق سالىمشىسى قاراجاتىنىڭ ءتۇسۋى جانە قوزعالىسى تۋرالى اقپارات بەرۋ

2. تۇرعىلىقتى جەرىنەن مەكەن-جاي انىقتامالارىن بەرۋ

3. باس پروكۋراتۋرانىڭ قۇقىقتىق ستاتيستيكا جانە ارنايى ەسەپكە الۋ جونىندەگى كوميتەتىنىڭ ەسەپتەرى بويىنشا مالىمەت بەرۋ

4. م گ و ۆ-تا تىركەلۋ

5. جىلجىمايتىن مۇلىككە تىركەلگەن قۇقىقتار (اۋىرتپالىقتاردى) تۋرالى انىقتاما بەرۋ

6. جىلجىمايتىن مۇلىكتىڭ بولماۋى (بولۋى) تۋرالى انىقتاما بەرۋ

7. قازاقستان رەسپۋبليكاسى ۇلتتىق كۋالاندىرۋشى ورتالىعىنىڭ تىركەۋ كۋالىكتەرىن بەرۋ جانە كەرى قايتارۋ (ە س ق راستاۋ)

8. جەكە قوسالقى شارۋاشىلىقتىڭ بولۋى تۋرالى انىقتاما بەرۋ

9. تىركەلگەن زاڭدى تۇلعا، فيليال نەمەسە وكىلدىك تۋرالى انىقتاما بەرۋ

10. زاڭدى تۇلعانىڭ باسقا زاڭدى تۇلعالارعا قاتىسۋى تۋرالى انىقتاما بەرۋ

11. جەكە تۇلعانىڭ باسقا زاڭدى تۇلعالارعا قاتىسۋى تۋرالى انىقتاما بەرۋ

12. زاڭدى تۇلعانى ارەكەتسىز زاڭدى تۇلعا دەپ نەمەسە ونىڭ قاتىسۋشىلارىن ارەكەتسىز زاڭدى تۇلعالارعا قاتىسى بار دەپ تانۋ تۋرالى انىقتاما بەرۋ

13. زاڭدى تۇلعانىڭ بارلىق تىركەلگەن ارەكەتتەرى تۋرالى انىقتاما بەرۋ

14. كورسەتىلگەن مەرزىمگە زاڭدى تۇلعانىڭ تىركەلگەنى تۋرالى انىقتاما بەرۋ

15. قۇرىلتاي قۇجاتتارىنا سوڭعى تولىقتىرۋلار مەن وزگەرىستەردىڭ ەنگىزىلگەنى تۋرالى انىقتاما بەرۋ

16. زاڭدى تۇلعانىڭ ۇلەسىنە سالىنعان اۋىرتپالىقتار (تىيىم سالۋ) تۋرالى انىقتاما بەرۋ

17. زاڭدى تۇلعالاردى تىركەۋ (قايتا تىركەۋ) تۋرالى، ولاردىڭ فيليالدارى مەن وكىلدىكتەرىن ەسەپتىك تىركەۋ (قايتا تىركەۋ) تۋرالى انىقتاما بەرۋ

18. ە س ق الۋعا ءوتىنىم بەرۋ

سوڭعى جاڭالىقتار