ءماجىلىس ءتوراعاسى مەملەكەتتىك ساتىپ الۋلارداعى زاڭسىزدىقتاردى اتادى

None
None
استانا. قازاقپارات - پارلامەنت ءماجىلىسىنىڭ ءتوراعاسى نۇرلان نىعماتۋلين مەملەكەتتىك ساتىپ الۋلار سالاسىنداعى قۇقىق بۇزۋشىلىقتارعا قاتىستى پىكىر ءبىلدىردى، دەپ حابارلايدى قازاقپارات.

ايتا كەتەيىك، بۇگىن ءماجىلىستىڭ جالپى وتىرىسىندا «قازاقستان رەسپۋبليكاسىنىڭ كەيبىر زاڭنامالىق اكتىلەرىنە مەملەكەتتىك ساتىپ الۋ جانە كۆازيمەملەكەتتىك سەكتور سۋبەكتىلەرىنىڭ ساتىپ الۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسى تالقىلانىپ، ءبىرىنشى وقىلىمدا ماقۇلداندى.

«بۇل زاڭ جوباسى مەملەكەتتىك ساتىپ الۋلار جۇيەسىن جاقسارتۋعا، سونىمەن قاتار سىبايلاس جەمقورلىققا جول بەرمەۋگە باعىتتالعان. سوندىقتان ۇكىمەت مۇشەلەرى دە، دەپۋتاتتىق كورپۋس تا ەنگىزگەن وزگەرىستەر قىلمىستاردىڭ الدىن الۋعا جانە قىزمەتتەردى تالاپقا ساي جەتىلدىرۋگە زور ىقپال ەتەدى دەپ سەنەمىز. ءماجىلىستىڭ جالپى وتىرىسىندا ايتىلعان ۇسىنىستاردى نازارعا الىپ، زاڭ جوباسىن ەكىنشى وقىلىمعا جان- جاقتى دايىنداۋىمىز قاجەت»، - دەپ توقتالدى ن. نىعماتۋلين.

سونىمەن قاتار ءماجىلىس ءتوراعاسى بۇگىندە وسى سالادا ورىن الىپ وتىرعان كەمشىلىكتەرگە توقتالىپ ءوتتى.

«وكىنىشكە قاراي، مەملەكەتتىك ساتىپ الۋلار سالاسىندا سىبايلاس جەمقورلىق قۇقىق بۇزۋشىلىقتار جىل سايىن ءوسىپ كەلەدى. تەك بيىلعى سەگىز ايدا سالاداعى قىلمىستىق قۇقىق بۇزۋشىلىقتار 2017 -جىلعى كورسەتكىشتەردەن ەكى ەسەگە اسىپ ءتۇستى. ەگەر 2017 -جىلى 42 جاعداي تىركەلسە، ال بيىلعى 8 ايدا 74 كە جەتتى. تارتىپتىك جاۋاپقا تارتىلعاندار ءتورت ەسەگە ارتتى، ولار نەگىزىنەن مەملەكەتتىك قىزمەتشىلەر. 2017 -جىلى 61 ادام بولسا، 2018 -جىلعى سەگىز ايدا 267 ادام جازاسىن الدى»، - دەدى نۇرلان نىعماتۋلين.

بۇدان بۇرىن حابارلانعانداي، زاڭ جوباسىن تالقىلاۋ بارىسىندا ق ر قارجى ءمينيسترى ءاليحان سمايىلوۆ مەملەكەتتىك ساتىپ الۋلار سالاسىنداعى پروبلەمالاردى اتاعان بولاتىن.

سونىمەن قاتار مينيستر قۇرىلىس سالاسىندا مەملەكەتتىك ساتىپ الۋدى جەتىلدىرۋ ءتارتىبىن ءتۇسىندىردى.

زاڭ جوباسى اياسىندا سوتتالعانداردى مەمتاپسىرىستى ورىنداۋعا جۇمىلدىرۋ شارالارى ەسكەرىلگەن.

سوڭعى جاڭالىقتار