استاناعا برازيليالىق دجيۋ- دجيتسۋ شەبەرلەرى كەلەدى

 استانا. قازاقپارات - استانادا قازاقستاننىڭ جانە شەتەلدىڭ سپورتشىلارى دجيۋ- دجيتسۋدەن «برازيل سيستەم» بولىمىنەن اشىق رەسپۋبليكالىق تۋرنيردە ەلوردا كۋبوگىن ساراپقا سالادى، دەپ حابارلايدى قازاقپارات قالا اكىمدىگىنىڭ سايتىنا سىلتەمە جاساپ.

ءدۇبىرلى دودا 5-7 - قازاندا «داۋلەت» سپورت كەشەنىندە وتەدى. ەلوردانىڭ 20  جىلدىعىنا ورايلاستىرىلعان اۋقىمدى شارا ق ر مادەنيەت جانە سپورت مينيسترلىگىنىڭ جانە استانا قالاسى اكىمدىگىنىڭ قولداۋىمەن ق ر دجيۋ- دجيتسۋ قاۋىمداستىعىنىڭ باستاماسىمەن ۇيىمداستىرىلىپ وتىر.

رەسپۋبليكالىق تۋرنيرگە ازيا قۇرلىعى مەن ارالداردىڭ، باسقا دا مەملەكەتتەردىڭ، وبلىستار مەن استانا جانە الماتى قالالارىنىڭ كوماندالارى قاتىسادى.

جارىسقا اق، كوك، قىزىلكۇرەڭ، قوڭىر، قارا بەلبەۋلەرگە بولىنگەن 6-45 جاس ارالىعىنداعى سپورتشىلار جىبەرىلەدى. 5 - قازاندا سپورتشىلار كەلەدى. سونداي- اق 6-15 جاستاعى جاسوسپىرىمدەردىڭ سالماعىن ولشەۋ جوسپارلانعان. ال جەكپە- جەكتەر 6 - جانە 7 - قازاندا «داۋلەت» سپورت كەشەنىندە وتەدى.

6 - قازاندا ساعات 10:00 دەن 14:00 گە دەيىن بالالار اراسىنداعى جارىس وتەدى. وسى كۇنى ساعات 14:00 دە دجيۋ- دجيتسۋدەن استانا كۋبوگىنىڭ اشىلۋ سالتاناتى ۇيىمداستىرىلادى. بۇدان باسقا، ساعات 14:00 دەن 15:30 عا دەيىن «Astana Jiu-Jitsu Cup 2018»  اياسىندا «حان شاتىر» ساۋدا، ويىن- ساۋىق كەشەنىندە برازيليالىق دجيۋ- دجيتسۋدەن الەم چەمپيونى الانا فينفوۋ جانە دجيۋ- دجيتسۋدەن باسقا دا الەمدىك جۇلدىزداردىڭ قاتىسۋىمەن سەمينار وتەدى.

جەكسەنبى كۇنى، 7 - قازاندا «داۋلەت» سپورت كەشەنىندەگى جارىس 10:00 دە باستالادى. جەڭىمپازدار اراسىنداعى تيتۋل ءۇشىن ءابسوليۋتتى جەكپە- جەكتەر ساعات 19:00 بەلگىلەنگەن.

Astana Jiu-Jitsu Cup كۋبوگى قازاقستاندىق سپورتشى دارحان نورتايەۆ پەن برازيليالىق ارتۋر لانەستىڭ، سونداي- اق نۇرجان سەيدۋالي مەن لۋكاس پينحەيرونىڭ اراسىنداعى چەمپيوندىق بەلبەۋ ءۇشىن كۇرەسپەن اياقتالادى.

 Astana Jiu-Jitsu Cup دوداسىنىڭ ەڭ قىزىقتى جەكپە- جەكتەرىندە اتاقتى برازيليالىق شەبەرلەر الان فينفوۋمەن گۋستاۆو كامپوس كۇش سىناسادى. ايتا كەتەيىك، برازيليادان كەلەتىن قوناقتار وڭتۇستىكامەريكالىق ءوڭىردىڭ جانە الەمنىڭ تانىمال دجيتسەرلەرىنىڭ ءبىرى بولىپ تابىلادى. تۋرنير جەڭىمپازدارى مەن جۇلدەگەرلەرى ۇيىمداستىرۋشىلار تاراپىنان ەستەلىك مەدالدار الادى. ال ابسوليۋتتىك سالماقتار ساناتىنداعى جۇلدەگەرلەرگە كوك، قىزىلكۇرەڭ، قوڭىر، قارا بەلبەۋلەر بويىنشا «adult» ساناتىندا اقشالاي سىيلىقتار دا بەرىلەدى. جارىستىڭ جالپى جۇلدە قورى - 15 مىڭ دوللار.