اليك شپەكبايەۆ مينيسترلەرگە جەمقورلىقتى اشىپ ايتۋدى ۇسىندى
«اگەنتتىكتىڭ سىبايلاس جەمقورلىققا قارسى كوزقاراستى قالىپتاستىرۋ بويىنشا جۇمىسى ءوز ناتيجەسىن بەرۋدە، الايدا، بۇل پروتسەستە ماڭىزدى ءرولدى بارلىق مەملەكەتتىك ورگاندار دا اتقارۋى قاجەت.
مەملەكەت باسشىسى اتاپ ايتقانداي، سىبايلاس جەمقورلىققا قارسى كۇرەستى كۇشەيتۋ ماسەلەلەرىندە باسشىلاردىڭ جاۋاپكەرشىلىگىن ارتتىرۋ ماڭىزدى. وسى رەتتە، كەشە اسكەري قىزمەتكەرلەرگە قازاقستاننىڭ قارۋلى كۇشتەرىندە سىبايلاس جەمقورلىققا جول بەرمەۋ تۋرالى ۇندەۋ جولداعان نۇرلان ەرمەكبايەۆتى قولداعىم كەلەدى»، دەپ جازدى اليك شپەكبايەۆ فەيسبۋكتەگى پاراقشاسىندا.
ونىڭ ايتۋىنشا، ەلىمىزدە ەكىنشى جىل قاتارىنان سىبايلاس جەمقورلىق وقيعالارى تومەندەپ كەلە جاتىر، الايدا سوعان قاراماستان، مينيستر (قورعانىس ءمينيسترى - اۆت. ) كوتەرگەن ماسەلەلەر بارلىق كۇشتىك قۇرىلىمدار ءۇشىن ءالى دە وزەكتى بولىپ وتىر ەكەن.
«ماسەلەنى اشىق مويىنداۋ جانە ونى جويۋ تۋرالى نيەت - جەتىستىككە قول جەتكىزۋدىڭ ماڭىزدى بولىگى بولىپ تابىلادى. باسقا باسشىلارعا قورعانىس ءمينيسترىنىڭ ارەكەتىن نەگە ۇلگى رەتىندە الماسقا!؟»، دەدى اگەنتتىك ءتوراعاسى.
