عالىمدار اقىلدى بولۋدىڭ ەڭ قاراپايىم ءادىسىن تاپتى
ول ءۇشىن ءبىر شىنىاياق سۋ ءىشۋ كەرەك. ساراپتاما ءبىر عانا شىنىاياق سۋ ميدىڭ جۇمىس ىستەۋ قابىلەتىن 14-15 پايىزعا ارتتىراتىنىن كورسەتكەن. وسى تەوريانى دالەلدەۋگە تاجىريبە جۇرگىزىلدى. وعان بىرنەشە ەر جانە ايەل ادام قاتىستى. عالىمدار تاجىريبەگە قاتىسۋ ءۇشىن ادامدارعا ءوز ەركىمەن كەلۋدى سۇرادى. قاتىسۋشىلاردىڭ ءبىر توبىنا تاڭعى استان كەيىن ءبىر شىنىاياق سۋ بەرىلسە، ەكىنشى توپتاعىلارعا سۋ مۇلدەم بەرىلمەدى.
شىعىس لوندون ۋنيۆەرسيتەتىنىڭ سايتىندا گازدالماعان سۋ ىشكەن ادامداردىڭ مي بەلسەندىلىگى ارتقاندىعى جازىلدى. سەبەبى ءبىرىنشى توپتىڭ ناتيجەسى ەكىنشى توپتاعىلاردان الدەقايدا جاقسى بولعان.
زەرتتەۋشىلەردىڭ پىكىرىنشە، از كولەمدە سۋ ءىشۋ اعزاداعى ىلعالدىلىق جەتىسپەۋشىلىك سەبەبىنەن تۋاتىن ميعا تۇسەتىن اۋىرتپالىقتى ازايتادى. عالىمدار اعزاداعى مۇنداي ىلعالدىلىق ادام ءۇشىن وتە ماڭىزدى ەكەنىن العا تارتتى.
