قازاقستاننىڭ « امىرە» فيلمى نيۋ- يوركتە وتەتىن كينوفەستيۆالىنە قاتىسادى
« قازاقستاننىڭ DAR Play كومپانياسى تۇسىرگەن « امىرە» فيلمى نيۋ- يوركتا وتەتىن Woodstock كينوفەستيۆالىنە قاتىساتىن بولدى. « امىرە» كينوتۋىندىسى جاقىندا گرۋزيادا وتكەن Golden eye كينوفەستيۆالىنە قاتىسىپ، ايتارلىقتاي تابىسقا جەتىپ، وپەراتور ماكسيم وسادچيي Panasonic كومپانياسىنىڭ ارنايى سىيلىعىن يەلەندى»، - دەپ جازدى مينيستر.
ارىستانبەك مۇحامەدي ۇلى پايىمىنشا، قازاقستاندىق كارتينانىڭ مۇنداي دەڭگەيدەگى كينوفەستيۆالگە قاتىسۋى - ماقتان تۇتارلىق جەتىستىك.
« قيىن- قىستاۋ زاماندا قازاق ونەرىن الەمگە پاش ەتىپ، 1925 - جىلعى بۇكىلالەمدىك مۋزىكالىق كونكۋرسقا قاتىسىپ، پاريجدى تامساندىرعان ءانشىمىز امىرە قاشاۋبايەۆ تۋرالى تۇسىرىلگەن « امىرە» تۋىندىسى قازىلار جۇرەگىنە جول تاۋىپ، جۇلدەمەن ورالادى دەپ ۇمىتتەنەمىن. ساتتىلىك تىلەيىك، دوستارىم!»، - دەپ اتاپ وتەدى ول.
بۇعان دەيىن، « امىرە» فيلمىنىڭ وپەراتورى ماكسيم وسادچيي تبليسيدە وتكەن Golden Eye حالىقارالىق كينو- جانە تەلەوپەراتورلار فەستيۆالىندە Panasonic كومپانياسىنىڭ ارنايى جۇلدەسىنە يە بولعانى حابارلاعان ەدىك.
