بيىل قازاقستان استىعىنا سۇرانىس جوعارى
اۋىل شارۋاشىلىعى مينيسترلىگى وسىنداي مالىمەت تاراتتى. وسى ماقساتتا جاۋاپتى ورگان وكىلدەرى، ديقاندار مەن تاسىمالداۋ كومپانيالارىنىڭ ماماندارى «استىق ترانس» اكسيونەرلىك قوعامى الاڭىنداعى قوعامدىق كەڭەستە باس قوستى.
جيىندا استىقتى جەتكىزۋدەگى تۇيتكىلدەردىڭ الدىن الۋ جايى تالقىلاندى. بيىل ەگىن جيناۋ ناۋقانى اي سوڭىنا دەيىن اياقتالۋى ءتيىس. اۋىل شارۋاشىلىعى مينيسترلىگىنىڭ مالىمەتىنشە، قامباعا 20 ميلليون توننا استىق تۇسەدى دەپ بولجانىپ وتىر. جاۋاپتىلار وسى ىرىستى توكپەي- شاشپاي جينايمىز دەپ سەندىردى. وعان قوسا، «قازاقستان تەمىر جولى» «استىقتى جەتكىزۋدىڭ تىڭ تاسىلدەرىن قولدانامىز» دەپ وتىر.
المابەك مارس، ق ر ا ش م مەملەكەتتىك ينسپەكتسيا كوميتەتى ءتوراعاسىنىڭ ورىنباسارى:
- ترەيدەرلارمەن كەزدەسىپ، جينالىس وتكىزىپ، ناقتىلاپ جاتىرمىز. الداعى ۋاقىتتتا قانداي قيىندىقتار كەزدەسۋى مۇمكىن. ونىڭ الدىن الۋ شارالاارىن قولدانۋ. سونىڭ ءبارىن قازىر ءبىز تالقىلاپ، وسى جيىن بولاشاقتا بيدايىمىزدى ەكسپورتقا جىبەرۋگە ۇلكەن كومەك بولادى دەپ وتىرمىز.
بيىل قازاقستان استىعى قارا تەڭىز اسۋى مۇمكىن. ياعني تۇركيا، يتاليا قاتتى بيداي تۇرىنە «قۇدا ءتۇسىپ» وتىر. بۇل رەتتە ەلىمىز 9 ميلليون توننا بيدايدى ەكسپورتتايدى.
ولەگ روگاچيەۆ، «استىق ترانس» ا ق ديرەكتورلار كەڭەسىنىڭ ءتوراعاسى:
- قازاقستان بولاشاقتا استىق ەكسپورتىن ەسەلەي الادى. ول ءۇشىن لوگيستيكا ماسەلەسى جولعا قويىلۋى ءتيىس. بۇل رەتتە قىتاي، ءازىربايجان، ورتالىق جانە سولتۇستىك افريكا نارىعىنا شىعۋعا مۇمكىندىك مول. تاياۋ شىعىس ەلدەرىنىڭ نارىعى دا قازاقستان ءۇشىن تابىستى بولماق. ال ەۋروپا ەلدەرى جوعارى سۇرىپتى بيدايعا قىزىعۋشىلىق تانىتىپ وتىر.
دەمەك جوعارى سۇرىپتى بيداي قازاقستاندىق ەكسپورتتىڭ برەندى بولا الادى. ستاتيستيكاعا سۇيەنسەك، جىل باسىنان بەرى «قازاقستان تەمىر جولى» ارقىلى تاسىمالدانعان تاۋار كولەمى 6,6 پايىزعا ارتقان. سوڭعى توعىز ايدا 189 ميلليون توننا ءونىم تيەلگەن. ونىڭ باسىم بولىگى ءتۇستى مەتالدار، قۇرىلىس ماتەريالدارى، كومىر مەن استىق.
www.24.kz
