جانسەيىت تۇيمەبايەۆ كەلەس اۋدانىنىڭ تىنىس- تىرشىلىگىمەن تانىستى

None
None
تۇركىستان. قازاقپارات - تۇركىستان وبلىسىنىڭ اكىمى جانسەيىت تۇيمەبايەۆ كەلەس اۋدانىنا ارنايى جۇمىس ساپارىمەن باردى، دەپ حابارلايدى قازاقپارات.

ايماق باسشىسى اۋداننىڭ تىنىس- تىرشىلىگىمەن تانىسىپ، قوشقار اتا اۋىلدىق وكرۋگىندەگى «وكتەمحان» شارۋا قوجالىعىندا اتقارىلىپ جاتقان جۇمىستارعا دا قانىقتى. مۇندا جىلىنا 120 توننا كوكونىس ونىمدەرىن شىعارىلادى. جالپى جەر كولەمى 6 گەكتار بولسا، ونىڭ 0,65 گەكتارىنا جىلىجاي سالىنعان. قوجالىق يەسى تۇرسىنباي قالىبايەۆ ءوز قاراجاتى ەسەبىنەن جوباعا 22 ميلليون تەڭگە قارجى سالعان. بۇگىندە مۇندا 60 مىڭ تەڭگە جالاقىمەن 5 ادام تۇراقتى جۇمىسپەن قامتىلعان. جوبا 2014 -جىلى جۇزەگە اسقان.

ايماق باسشىسى اۋىلشارۋاشىلىق تاۋارىن وندىرۋگە كەلگەندە سانىنا عانا ەمەس، ساپاسىنا دا ەرەكشە ءمان بەرۋ كەرەكتىگىن ايتتى.

«ءبىزدىڭ وبلىس باسقا وڭىرلەردەن اۋىل شارۋاشىلىعىمەن ەرەكشەلەنەدى. ياعني، ءبىزدىڭ ءونىمدى ەلىمىزدىڭ بارلىق ايماقتارى تۇتىنادى. ودان بولەك، وزگە ەلدەرگە ەكسپورتتالىپ جاتقانى قانشا. دەمەك، ءبىز ساپاعا مەيلىنشە كوڭىل ءبولۋىمىز كەرەك. سوندا تاۋارلارىڭىز ءوتىمدى بولادى. ەگەر ءونىمنىڭ ساپاسى جوعارى بولسا، ۇزاق ساپارعا دا شىدامدى، ءتوزىمدى بولارى ءسوزسىز»، - دەدى جانسەيىت تۇيمەبايەۆ.

ايتا كەتەيىك، بۇگىندە اۋداندا 5114 اۋىل شارۋاشىلىعى نىسانى جۇمىس ىستەيدى. ونىڭ 4994- ءى شارۋا قوجالىعى بولسا، 120-سى وندىرىستىك كووپەراتيۆ.

سوڭعى جاڭالىقتار