يراكتىڭ جاڭا پرەزيدەنتى سايلاندى

استانا. قازاقپارات - كۇردىستان پاتريوتتىق وداعىنان كانديدات بارحام سالەح يراكتىڭ جاڭا پرەزيدەنتى بولىپ سايلاندى. رەسپۋبليكا پارلامەنتىندە وتكەن سايلاۋ قورىتىندىسى بويىنشا، سالەحكە 165 دەپۋتات داۋىس بەردى. داۋىس بەرۋ بارىسىن As Sumariya تەلەارناسى تىكەلەي ەفيردەن كورسەتتى، دەپ حابارلايدى ت ا س س.

وتىرىسقا پارلامەنتتىڭ 329 دەپۋتاتىنىڭ 301- ءى قاتىستى. سپيكەر مۋحاممەدۋ ال- حالبۋسي داۋىس بەرۋگە قاجەتتى كۆورۋمدى ءۇشىنشى ارەكەتتەن كەيىن جيناي العان. داۋىس بەرۋدىڭ العاشقى راۋندىندا جەڭىمپاز انىقتالمادى. سەبەبى كانديداتتاردىڭ ەشقايسىسى داۋىستىڭ ۇشتەن ءبىرىن جيناي المادى. ەكىنشى راۋندتىڭ قورىتىندىسى بويىنشا ەل پرەزيدەنتتىگىنە كانديدات كوپشىلىكتىڭ داۋىسىنا يە بولۋى ءتيىس بولدى.

 «باعدادتان ءتۇسىپ جاتقان اقپاراتقا سايكەس، جاڭادان سايلانعان كوشباسشى الداعى تاياۋ ۋاقىتتا ەلدىڭ جوعارعى فەدەرالدى سوتى جانە پارلامەنتشىلەرى الدىندا انت قابىلدايدى. سالەح قولعا الاتىن العاشقى مىندەت - پرەمەر- ءمينيستردى تاعايىنداۋ جانە ۇكىمەتتى جاساقتاۋعا ماندات بەرۋ»، - دەپ جازادى اگەنتتىك.