الماتىدا «وڭاي» كارتاسى قىمباتتادى

الماتى. قازاقپارات - قوعامدىق كولىكتە جول اقىسىن تولەۋ ءۇشىن شىعارىلاتىن جاڭا ترانسپورتتىق كارتالار قىمباتتايدى، دەپ حابارلايدى قازاقپارات ءتىلىشىسى.

ادەتتە 425 تەڭگە تۇراتىن «وڭاي» ترانسپورتتىق كارتاسىن الماتىلىقتار مەن قالا قوناقتارى 500 تەڭگەگە ساتىپ الا الادى.

الماتى كولىك حولدينگىنىڭ مالىمدەۋىنشە، كارتانىڭ ءوز باعاسى 425 تەڭگەدەن الدەقايدا قىمبات.

«ءبىز العاشىندا بۇكىل حالىقتى كولىك كارتاسىمەن قامتاماسىز ەتۋگە تىرىستىق. بۇگىندە 12 ميلليون 11 مىڭ كارتا ساتىلعان. قالا تۇرعىندارىنىڭ تەك 40 پايىزى عانا قوعامدىق كولىكپەن جۇرەدى»، - دەدى «الماتى قالاسى كولىك حولدينگى» ج ش س ديرەكتورى سادير حامرايەۆ.

جول اقىسىن تولەۋدىڭ تاعى ءبىر جولى - «وڭاي» برەلوگى ەدى. ول ەندى 2000 تەڭگە تۇرادى (بۇرىن 1000 تەڭگە بولعان)، ديزاينەرلىك ءتۇرى 700 تەڭگەگە ساتىلادى. ءبىراق بۇلاردىڭ ىشىنە 1 رەتتىك جول ءجۇرۋ قۇنى بولمايدى.