الماتى كوشەلەرىندە قىزىقتى نىساندار بوي كوتەرەدى

None
None
الماتى. قازاقپارات - جاقىن ارادا الماتى كوشەلەرىندە الدار كوسە، تەكشە، رەتروموبيل پايدا بولماق.

بۇل تۋرالى «PARK FEST»  حالىقارالىق ءمۇسىن جانە شاعىن ارحيتەكتۋرالىق فورمالار فەستيۆالىندە بەلگىلى بولدى، دەپ حابارلايدى قازاقپارات ءتىلشىسى.

اتالعان شارا اياسىندا قازاقستاندىق جانە شەتەلدىك سۋرەتشى مۇسىنشىلەر قالانى ءتۇرلى ارت نىساندارمەن ارلەپ جاتىر. اتاپ ايتقاندا، اباي دوستىق كوشەلەرى قيىلىسىنىڭ تاريحي كەلبەتىن قايتارۋعا كۇش سالىنىپ جاتىر.

جەر استى جولىنا كىرەر جولداردىڭ شاتىرى الىپ تاستالعان. ءۇشىنشى كىرەبەرىستە «ءوتۋ» دەگەن جازبا ءىلىنىپ تۇر. ياعني، وسىدان بىرنەشە جىل بۇرىن بۇل كوشەنىڭ كەلبەتى وسىنداي بولاتىن. وسىلايشا «ارمان» كينوتەاترى ونداعان جىلدار بۇرىنعى كەيپىنە قايتا ەندى. بۇل جەردە سونداي-اق، اپورت تيەلگەن رەتروموبيل پايدا بولدى. بۇل ارت نىساندى جاس سۋرەتشىلەر ورتالىعىنىڭ ونەرپازدارى سالدى.

نازاربايەۆ پەن قاراساي باتىر كوشەلەرىنىڭ قيىلىسىندا الدار كوسەنىڭ تەمىردەن جاسالعان وبرازى پايدا بولدى. ءمۇسىن ەسكى اۆتوموبيلدىڭ بولشەكتەرىنەن جاسالعان. ءمۇسىن اۆتورى - ق ر سۋرەتشىلەر وداعىنىڭ مۇشەسى، سۋرەتشى، ءمۇسىنشى رۋسلان اقانايەۆ.

نازاربايەۆ كوشەسىندە ەرەكشە شام پايدا بولدى. وتە ۇلكەن تەكشە فورماسىن ق ر ەڭبەگى سىڭگەن مادەنيەت قايراتكەرى، گرافيك، ق ر سۋرەتشىلەر وداعىنىڭ مۇشەسى ابدۋاحات مۇراتبايەۆ پەن ART SPACE گالەرەياسىنىڭ مۇشەلەرى سالدى.

«تەكشە پىشىندەس اسپاشام ويۋلانعان مەتالل كەسىندىلەرمەن قورشالعان. بۇل نىساندار قالالىقتاردىڭ ءجيى جينالاتىن ورنىنا اينالاتىنىنا سەنىم مول. الماتى تۋريستەر اراسىندا دا ۆيزۋالدى وبرازىمەن ەستە قالاتىن بولادى»، - دەلىنگەن نىساننىڭ تانىستىرىلىمىندا.

 null

نازاربايەۆ- قاراساي كوشەلەرىنىڭ قيىلىسىندا اسا ۇلكەن ۆازالار پايدا بولدى. نىساندى ق ر ەڭبەگى سىڭگەن مادەنيەت قايراتكەرى، گرافيك، ق ر سۋرەتشىلەر وداعىنىڭ مۇشەسى ابدۋاحات مۇراتبايەۆ پەن ART SPACE گالەرەياسىنىڭ سۋرەتشىلەرى سالدى.

سونىمەن قاتار، بەلارۋس، قىرعىز رەسپۋبليكاسى، تاجىكستان سۋرەتشىلەرى بىرىگىپ، ءال- فارابي اتىنداعى قازاق ۇلتتىق ۋنيۆەرسيتەتى جانىندا پلەنەر جاساعان ەدى.

قالاداعى №2 -ۆوكزال ماڭىندا ءمۇسىنشى تاميلا ماماتوۆانىڭ «كەوكيەر» سكۋلپتۋراسى بوي كوتەردى. بۇل - قىرعىزدىڭ ۇلتتىق سۋسىن ىشەتىن ىدىسى. قازاقتىڭ سابا، تورسىق، بۇلقىنشاعىنا ۇقسايدى.

 null null null  

سوڭعى جاڭالىقتار