ەۋروپانىڭ ايگىلى ساحنالارىندا قازاقتىڭ ءان- كۇيى اۋەلەيدى

 الماتى. قازاقپارات - بيىل الماتى مەملەكەتتىك فيلارمونياسىنىڭ كامەرالىق وركەسترى ۇلىبريتانيا، يرلانديا جانە يتاليادا اۋقىمدى تۋر وتكىزەدى، دەپ حابارلايدى قازاقپارات ءتىلشىسى.

جامبىل اتىنداعى مەملەكەتتىك فيلارمونيا كامەرالىق وركەسترى 22-30 - قازان ارالىعىندا ەۋروپانىڭ ەڭ ايگىلى كونسەرت زالدارىندا بىرنەشە كونسەرت بەرمەك.

 ونەر ۇجىمى ق ر ەلشىلىگىنىڭ جانە ق ر مادەنيەت جانە سپورت مينيسترلىگىنىڭ قولداۋىمەن دۋبلين، مانچەستەر، لوندون، ميلان جانە ريم قالالارىندا قازاق مادەنيەتىنىڭ جارشىسى بولماق.

«رۋحاني جاڭعىرۋ» باعدارلاماسى اياسىندا قولعا الىنعان شارانىڭ حالقىمىزدىڭ بايىرعى مۋزىكالىق مۇراسىمەن الەمدى تانىساتىرۋدا بەرەرى مول. بۇل ميسسيا رۋحاني جاڭعىرۋدىڭ ماڭىزدىلىعىن ارتتىرا تۇسەدى. بۇل كونتسەرتتەر قازاق ونەرىنىڭ سان الۋاندىعىن سيپاتتايتىن مادەنيەتتىڭ جارشىسى بولماق» ، - دەدى ۇيىمداستىرۋشىلار.

الەمىك تۋرنەگە شىقپاس بۇرىن وركەستر الماتىعا گاسترولدىك ساپارمەن كەلگەن كانادالىق سكريپكاشى لارا سەنت- دجونمەن بىرگە كونسەرت قويادى.