ماس كۇيىندە تەمەكى شەككەن ەكى قاراعاندىلىق ورتەنىپ كەتتى

None
None
 استانا. قازاقپارات - قاراعاندىدا ءبىر قاباتتى جەكە تۇرعىن ۇيدەن ءورت شىعىپ 20 شارشى مەتر اۋماق قىزىل جالىنعا ورانعان. قۇتقارۋشىلار مەن ءورت سوندىرۋشىلەر ۇيدەن دەنەلەرى ورتەنىپ كەتكەن ەكى ادامنىڭ ءمايىتىن تاپتى.

1 - قازان كۇنى چەتسكايا كوشەسىنىڭ بويىندا ورنالاسقان 89- ۇيدەن ءورت شىققان.

«وقيعا ورنىنا ءورت ءسوندىرۋ ءبولىمىنىڭ قىزمەتكەرلەرى كەلگەن ۋاقىتتا ءبىر قاباتتى، 3 بولمەلى ءۇيدىڭ ەكى تەرەزەسى مەن ەسىگىنىڭ، شاتىرىنىڭ اعاش قاڭقالارى جانىپ جاتقان. سونداي- اق، ۇيدەگى جيھازدار مەن زاتتار دا وتقا ورانعان. ءورتتىڭ اۋماعى 20 شارشى مەتردى قۇرادى. ءۇيدى تەكسەرۋ مەن ءورتتى ءسوندىرۋ كەزىندە 1959 - جانە 1964 -جىلدارى تۋىلعان ەر ادامداردىڭ ورتەنىپ كەتكەن دەنەلەرى تابىلدى. ءورتتىڭ شىعۋىنا وتتى ابايسىزدا قولدانۋ، ياعني ماس كۇيىندە تەمەكى شەگۋ سەبەپ بولعان» ، - دەيدى قاراعاندى وبلىستىق توتەنشە جاعدايلار دەپارتامەنتىنىڭ رەسمي وكىلى جاننا داۋرەنبەكوۆا.

ت ج د رەسمي وكىلىنىڭ ايتۋىنشا، ۇستىمىزدەگى جىلدىڭ وتكەن توعىز ايىندا قاراعاندى وبلىسىندا 1195 ءورت وقيعاسى تىركەلگەن. ءتىلسىز جاۋ 28 ادامنىڭ ءومىرىن قيعان. توتەنشە جاعدايلار دەپارتامەنتى تۇرعىنداردان ءوز ومىرلەرىنە جاۋاپتىلىقپەن قاراۋدى سۇرايدى.

«ءسىز عانا ءوز ءومىرىڭىز ءۇشىن جاۋاپتىسىز. ونى ساقتاۋ سىزگە بايلانىستى. كەز كەلگەن قايعىلى جاعدايدىڭ الدىن الۋعا بولادى. ول ءۇشىن قاراپايىم قاۋىپسىزدىك شارالارىن ساقتاڭىزدار!» ، - دەيدى داۋرەنبەكوۆا.

سوڭعى جاڭالىقتار