رەسەي بارلىق ەلدەردى قازاقستان ۇسىنعان تەرروريزمگە قارسى كودەكسكە قول قويۋعا شاقىردى
بۇل تۋرالى ر ف س ءى م- ءنىڭ دۇيسەنبىدە جاريالانعان حابارلاماسىندا جازىلدى، دەپ حابارلايدى ت ا س س اگەنتتىگى.
«ب ۇ ۇ باس اسسامبلەياسىنىڭ مىنبەرىندە 2015 -جىلى سويلەپ تۇرىپ، قازاقستان جانە رەسەي پرەزيدەنتتەرى نۇرسۇلتان نازاربايەۆ پەن ۆلاديمير پۋتين تەرروريزممەن كۇرەستە بىرلەسكەن فرونت قۇرۋ جانە بارلىق مەملەكەتتەر حالىقارالىق قۇقىقتار نورمالارىنا سايكەس جۇمىس اتقارا الاتىنداي باستاما تاستاعان بولاتىن. اراعا تۋرا ءۇش جىل سالىپ حالىقارالىق تەرروريزمنىڭ قاۋىپتەرىن ەڭسەرۋگە ۇمتىلاتىن كواليتسيا قۇرۋعا كەلىسكەن 70 مەملەكەت اتالمىش ۇسىنىستى نازارعا الدى»، - دەلىنگەن ديپلوماتيالىق ۆەدومستۆونىڭ حابارلاماسىندا.
مينيسترلىكتە اتالىپ وتكەندەي، كودەكس «حالىقارالىق تەرروريزمگە قارسى كۇرەستىڭ ىرگەلى قاعيداتتارىن بىرىكتىرىپ قانا قويماي، ءاربىر مەملەكەتتى تەررور قاۋپىنەن قۇتقارا الادى». «قۇجات انتيتەررور سالاسىندا الەمدىك بىرلەستىكتەردىڭ بىرلەسكەن پراكتيكالىق باعىتتارىن ايقىنداپ بەرە الادى».
رەسەيلىك تاراپ «قۇجات اۆتورى - قازاقستاندىق سەرىكتەستەرگە، قۇجاتتىڭ دايىندالۋىنا ۇلەس قوسقان بارلىق مەملەكەتتەرگە العىسىن ايتادى».
«بارلىق مەملەكەتتەردى وسى كودەكسكە قوسىلۋعا، سونىمەن قاتار، ب ۇ ۇ جارعىسى بازاسىندا تانىلعان تەرروريزمنىڭ قانداي دا ءبىر ءتۇرى بايقالعان جاعدايدا وسى قۇجات ءتارتىبىن نەگىزگە الۋعا شاقىرامىز»، - دەلىنگەن حابارلامادا.
ايتا كەتسەك، بۇدان بۇرىن ق ر سىرتقى ىستەر ءمينيسترى قايرات ءابدىراحمانوۆ ب ۇ ۇ باس اسسامبلەياسىنىڭ 73- سەسسياسىندا پىكىرتالاستا سويلەگەن سوزىندە تەرروريزمنەن ازات الەمگە قول جەتكىزۋ مىنەز- قۇلىق كودەكسىنە قول قويعان مەملەكەتتەردىڭ بارىنە العىس بىلدىرگەن بولاتىن.
اۆتور: ايان بەكەن ۇلى
