وبىر اۋرۋىن زەرتتەۋشىلەر مەديتسينا بويىنشا نوبەل سىيلىعىن يەلەندى

None
None
استانا. قازاقپارات - وبىرعا قارسى يممۋندىق تەراپيانىڭ جاڭا ادىستەمەسىن جاساپ شىعارعان ەكى يممۋنولوگ دارىگەر - امەريكاندىق دجەيمس الليسون مەن جاپوندىق تاسۋكۋ حوندزيە نوبەل سىيلىعىنىڭ لاۋرەاتى اتاندى، دەپ حابارلايدى قازاقپارات Reuters اگەنتتىگىنە سىلتەمە جاساپ.

«الليسون ي حوندزيە باياۋلاتۋ ءتۇرلى ستراتەگيالارىنىڭ وبىردى ەمدەۋ كەزىندە قالاي قولدانىلاتىنىن كورسەتتى»، - دەپ مالىمدەدى نوبەل اسسامبلەياسى شۆەتسيانىڭ Karolinska ينستيتۋتىندا. مۇندا سىيلىق لاۋرەاتتارىنا 9 ميلليون شۆەد كروناسى ($1 ميلليون) تاعايىندالدى.

قوس لاۋرەات ادام اعزاسى مەن ونىڭ يممۋندىق جاسۋشالارىندا ىسىكتىڭ پايدا بولۋىنىڭ الدىن الاتىن پروتەيندەردى زەرتتەگەن.

 جىل سايىن مەديتسينا سالاسىنداعى سىيلىق ەڭ ءبىرىنشى بەرىلىپ، نوبەل اپتالىعىن اشىپ وتىرادى. لاۋرەاتتاردى ماراپاتتاۋ ءراسىمى ءداستۇر بويىنشا 10 - جەلتوقسان كۇنى، نوبەل سىيلىقتارىنىڭ نەگىزىن قالاعان شۆەد كاسىپكەرى ءارى ونەرتاپقىش الفرەد نوبەل (1833-1896) قايتىس بولعان كۇنى وتەدى.

سوڭعى جاڭالىقتار