قازاقستاندىق بوكسشى قىز الەمدەگى ەڭ سۇلۋ سپورتشىلار تىزىمىنە ەندى
سانكت-پەتەربۋرگتە شىعاتىن سپورت №1-جۋرنالى جىل سايىن جەكپە-جەكتەگى مىقتىلاردى انىقتاپ قانا قويماي، نازىك جانداردىڭ سۇلۋلىعىنا دا باعا بەرەدى.
«قازىر تالانتتى بوكسشىنىڭ سپورتتاعى مانسابى شارىقتاۋ ۇستىندە. سپورتشىنىڭ الەۋمەتتىك جەلىدەگى جانكۇيەرلەرى كۇن ساناپ ارتىپ، ونىڭ تارتىمدى سۋرەتتەرى كلاسسيكالىق سوققىسىنان دا جويقىن بولىپ تۇر»، - دەلىنگەن ماقالادا. سونداي-اق، سپورتشىنىڭ باستى ماقساتى - وليمپياداعا قاتىسىپ، جەڭىسكە جەتۋ ەكەندىگى دە ايتىلعان.
ۇزدىك وندىقتان ورىن العان سۇلۋلار قاتارىندا فيرۋزانىڭ قارسىلاسى، رەسەيلىك سوفيا وچيگاۆا مەن بوكسشى سۆەتلانا كۋلاكوۆا بار. ودان بولەك، م م ا- لىق پەيدج ۆانزانت، الەكساندرا البۋ، مارينا موحناتكينا، تايلاندتىق بوكسشى ەكاتەرينا ۆانداريەۆا جانە ەركىن كۇرەستەن وليمپيادا چەمپيونى ناتاليا ۆوروبيەۆا دا ەڭ كورىكتى سپورتشىلار تىزىمىنە ەنگەن.
بۇدان بولەك، ءشارىپوۆا رەسەيلىك بوكس تۆ تەلەارناسىنىڭ جەكپە-جەكتەن كاسىبي سپورتشىلاردىڭ توپ-5 قاتارىنا كىرەدى، سول سياقتى Eurosport تەلەارناسىنىڭ توپ-10 تىزىمىنەن ويىپ تۇرىپ ورىن العان. ول، سونىمەن بىرگە، ەلىمىزدەگى Vesti.kz سايتىنىڭ جانە AllFight.ru تاڭداۋى بويىنشا ەڭ سۇلۋ سپورتشى بولىپ سانالادى.
ايتا كەتەيىك، بوكسشى ۇستىمىزدەگى جىلدىڭ 8 -قىركۇيەگىندە سانكت-پەتەربۋرگتەگى ا2 ارەناسىندا رەسەيلىك بوكسشى يۋليا كۋسەنكومەن جەكپە-جەككە شىعىپ، كاسىبي بوكستاعى كەزەكتى جەڭىسىنە قول جەتكىزگەن بولاتىن.
بۇعان دەيىن حابارلاعانىمىزداي، بوكسشىنىڭ كەلەسى قارسىلاسى - فينليانديالىق ەۆا ۆالسترەم. ەكەۋىنىڭ جەكپە-جەگى قاشان جانە قاي جەردە وتەتىنى بەلگىلى بولدى.
