قوستانايدا تۇرعىنداردىڭ تاقياسىن ۇرلايتىن جىرتقىش قۇس قالالىق اڭىزعا اينالدى- كەسكىن

 استانا. قازاقپارات - قوستانايدا قولعا ۇيرەنگەن جىرتقىش قۇس كوشەدەگى تۇرعىنداردىڭ تاقياسىن ۇرلاپ، قالالىق اڭىزعا اينالدى.

جىرتقىش قۇس رەتىندە سانالاتىن سۇڭقار ءتىپتى قۇمسالعىشتا ويناپ، ءوزىن ادامداردىڭ سيپاۋىنا رۇقسات بەرەدى. ءبىر قىزىعى بۇل قۇستىڭ باس كيىمدەرگە ەرەكشە سۇيىسپەنشىلىگى بار ەكەن.

قالا تۇرعىندارىنىڭ باسىنداعى باس كيىمىن ۇرلاپ، جيناپ جۇرەتىن قۇس قوستانايلىقتاردى ءتانتى ەتتى. ەندى تۇرعىندار ەرەكشە قابىلەتىمەن باۋراپ العان قۇس قالاي قىستاپ شىعادى دەپ الاڭداۋلى.

قازىرگى ۋاقىتتا بۇل قۇستىڭ قالادا جازدىڭ ورتاسىنىنا قاراي پايدا بولعانى بەلگىلى. سۇڭقار بىردەن قالا تۇرعىندارىن سەنگىشتىگىمەن باۋراپ الدى. ول كەپتەر سەكىلدى تىنىش قانا قولعا قونىپ، تاماعىن جەپ، ءوزىن سيپاۋعا رۇقسات بەردى. سونىمەن بىرگە، جىرتقىش بولعانىنا قاراماستان وتكىر تىرناقتارىمەن ەشكىمدى جاراقاتتاعان جوق.

قولعا ۇيرەنىپ العان سۇڭقاردىڭ ويىنشىقتارمەن قۇمسالعىشتا قالاي ويناپ وتىرعانىن دا كورگەندەر بار.

قوستانايلىقتار جابايى قۇستىڭ بۇل مىنەز- قۇلقىن ادامدارمەن بىرگە ۇزاق ۋاقىت بويى ءومىر سۇرۋەندە دەپ توپشىلايدى. ولاردىڭ سوزىنشە، بۇل قۇس جازدا قالاعا كەلگەن سيركتەردىڭ بىرىنەن ۇشىپ كەتۋى مۇمكىن.

سۇڭقاردىڭ تاعى ءبىر ەرەكشەلىگى - باس كيىمدەرگە ەرەكشە نازار اۋداراتىنى. ونىڭ جيناعىندا قانشا باس كيىم بار ەكەنىن ازىرشە ەشكىم ايتا المايدى. سەبەبى، تاقيالارعا اۋەس جىرتقىش قۇستىڭ ۇياسىن ەشكىم كورمەدى. جەلى پايدالانۋشىلارى بۇل قۇس ءتىپتى ءبىر جارىم جاسار بالانىڭ باسىنداعى باس كيىمدى دە كوتەرىپ كەتكەنىن ايتتى.

Stan.kz