گەرمانيادا سۋتەگىمەن جۇرەتىن جولاۋشىلار پويىزى قولدانىلا باستادى

استانا. قازاقپارات-  گەرمانيادا تۇڭعىش رەت سۋتەگىمەن جۇرەتىن جولاۋشىلار پويىزى قولدانىلا باستادى. ازىرگە ەلدە مۇنداي تەك ەكى پويىز تومەنگى ساكسونيا ايماعىنداعى ەلەكترلەنبەگەن جولمەن قاتىناۋدا.

ولار سۋتەگىنىڭ حيميالىق رەاكسياعا ءتۇسىپ، ەلەكتر وندىرۋىمەن جۇمىس ىستەيدى. ارتىق شىعارىلعان ەنەرگيا باتارەيالاردا جينالىپ، قاجەتىنە قاراي جۇمسالىپ وتىرادى.

وتاربا جانارمايىن تولىقتىرۋسىز 1 مىڭ شاقىرىمعا دەيىن جۇرۋگە قاۋقارلى. جىلدامدىعى ديزەلدى پويىز سياقتى ساعاتىنا 140 شاقىرىمدى قۇرايدى. ال تومەنگى ساكسونيا بيلىگى كەلەر جىلى تاعى وسىنداي 14 پويىزدى ىسكە قوسۋدى جوسپارلاپ وتىر.

يەنس حيلگەنبەرگ، ساراپشى:

 - سۋتەگىمەن جۇرەتىن پويىزدى تەمىرجول قوزعالىسى از باعىتتاردا قولدانۋعا وتە ءتيىمدى. ياعني ەلەكتر جۇرگىزىلمەگەن اۋدانداردا دا قايتا جاڭعىرتىلاتىن قۋات كوزىن قولدانۋ ارقىلى قاتىناۋعا بولادى دەگەن ءسوز.

شتەفان فرانك، Alstom Coradia iLint كومپانياسىنىڭ جوبا مەنەدجەرى - سۋتەگىمەن جۇرەتىن پويىزدىڭ شىعىنىن ەسەپتەسەك، ونىڭ ديزەلدى تۇرىنە قاراعاندا، قارجىلاي تۇرعىدان ءتيىمدى ەكەنىن كورۋگە بولادى.

www.24.kz