مينيسترلىك جاس عالىمدارعا ارنالعان ىنتالاندىرۋ شارالارىن اتادى
بۇل تۋرالى سەناتتا عىلىمي ماسەلەلەرگە ارنالعان «دوڭگەلەك ۇستەل» وتىرىسىندا ق ر ءبىلىم جانە عىلىم ۆيتسە- ءمينيسترى اسحات ايماعامبەتوۆ ءمالىم ەتتى، دەپ حابارلايدى قازاقپارات.
«مەملەكەت باسشىسىنىڭ جولداۋىن ورىنداۋ ماقساتىندا جاس زەرتتەۋشىلەردى قولداۋ مەن عىلىمدى دامىتۋ بويىنشا ءتيىستى مىندەتتەر جۇكتەلدى. سوندىقتان دا 35 جاسقا دەيىنگى جاس عالىمدارعا گرانتتىق قارجىلاندىرۋدى ءبولۋ ءۇشىن 2019-2021 -جىلدارعا كونكۋرس جاريالاۋ جوسپارلانىپ وتىر»، - توقتالدى ۆيتسە- مينيستر.
بەلگىلى بولعانداي، جوعارى عىلىمي- تەحنيكالىق كوميسسيا اتالعان باعدارلامانى قارجىلاندىرۋ تۇرعىسىندا ءار جىلعا 1,5 ميلليارد تەڭگەنى ماقۇلدادى.
ونىڭ اتاپ وتۋىنشە، 2017 -جىلى 1101 عىلىمي جوبانى جۇزەگە اسىرۋ بارىسىنا مونيتورينگ جۇرگىزىلدى.
«وتكەن جىلى اياقتالعان باعدارلامالار اياسىندا ەلەۋلى ناتيجەلەرگە قول جەتكىزىلدى. ەلىمىزدە عىلىمي زەرتتەۋلەر مەن جوبالاردى ازىرلەۋ جۇمىستارىمەن 386 ۇيىم اينالىستى. وسى ورايدا 22 مىڭنان استام ادام جۇمىلدىرىلدى. 2017 -جىلى جاس عالىمدار زەرتتەۋشى- ماماندار كونتينگەنتىنىڭ 35 پايىزىن قۇرادى. قازىرگى كەزدە جاستاردىڭ عىلىمعا كەلۋىن ىنتالاندىرۋ بويىنشا ءتيىستى جۇمىستاردى اتقارۋدامىز. جىل سايىن PhD دوكتورلارىن دايارلاۋعا مەملەكەتتىك ءبىلىم تاپسىرى ارتىپ كەلەدى»، - دەدى اسحات ايماعامبەتوۆ.
بۇدان بۇرىن حابارلانعانداي، قازاقستاندا وتاندىق عالىمداردىڭ جوبالارىنا جەكە سەكتوردىڭ ينۆەستيتسياسى ءۇش ەسەگە ارتتى.
اۆتور: رۋسلان عابباسوۆ
