اۋە ديسپەتچەرى جەر سىلكىنىسى كەزىندە ءوز ءومىرىن قيىپ، لاينەردى قۇتقاردى
انتونيۋس گۋناۆان اگۋنگ 28 - قىركۇيەكتە سۋلاۆەسي ارالىنداعى Palu's Mutiara SIS Al-Jufrie اۋەجايىندا جۇمىس ورنىندا بولعان. ول ماگنيتۋداسى 6,1 بولعان العاشقى جەراستى دۇمپۋلەرى باستالعاندا بورتىندا جۇزدەگەن جولاۋشىسى بار Batik Air اۋە كومپانياسىنىڭ رەيسى اۋەگە كوتەرىلگەنگە دەيىن كوماندالىق- ديسپەتچەرلىك مۇنارانى تاستاپ كەتۋدەن باس تارتقان.
ۇشاقتىڭ امان- ەسەن جەردەن كوتەرىلگەنىنە كوز جەتكىزگەن جاس جىگىت تۇسپەك بولعان كەزدە مۇنارا قيراي باستايدى. سول ساتتە جەراستى ءدۇمپۋى 7,4 ماگنيتۋداعا جەتىپ قالعان ەدى.
ءتورتىنشى قاباتتان سەكىرگەن ول كوپتەگەن جاراقات الدى. تاياۋ ماڭداعى اۋرۋحانادا العاشقى مەديتسينالىق كومەك كورسەتىلگەن. الايدا، ەر ادام ونى زاماناۋي جابدىقتالعان مەديتسينالىق مەكەمەگە جەتكىزەتىن تىكۇشاق كەلگەنگە دەيىن كوز جۇمدى.
انتونيۋس گۋناۆان اگۋنگ ءبىر ايدان كەيىن 22 جاسقا تولاتىن ەدى.
فوتو: dailymail.co.uk
