قايرات ءابدىراحمانوۆ ب ۇ ۇ باس حاتشىسى انتونيۋ گۋتەرريشپەن كەزدەستى

نيۋ- يورك. قازاقپارات - سىرتقى ىستەر ءمينيسترى قايرات ءابدىراحمانوۆ ب ۇ ۇ باس حاتشىسى انتونيۋ گۋتەرريشپەن كەزدەسۋ وتكىزىپ، ونىڭ بارىسىندا الەمدىك ۇيىمنىڭ جانە حالىقارالىق قاتىناستاردىڭ وزەكتى ماسەلەلەرى بويىنشا پىكىر الماستى، دەپ حابارلايدى قازاقپارات ۆەدومستۆونىڭ باسپا ءسوز قىزمەتىنە سىلتەمە جاساپ.

مينيستر اقتاۋ قالاسىندا وتكەن كاسپي سامميتى، حالىقارالىق ارالدى قۇتقارۋ قورىنىڭ قۇرىلتايشى مەملەكەتتەرى باسشىلارى دەڭگەيىندەگى وتىرىسىنىڭ جانە تۇركى تىلدەس مەملەكەتتەردىڭ ىنتىماقتاستىق كەڭەسى سامميتىنىڭ قورىتىندىلارى تۋرالى حاباردار ەتتى. س ءى م باسشىسىنىڭ ايتۋىنشا، قازاقستان باس حاتشىعا ب ۇ ۇ- نى رەفورمالاۋ، تۇراقتى دامۋدىڭ ماقساتتارىنا قول جەتكىزۋ، قازىرگى زامانعى قاۋىپ- قاتەرلەرگە قارسى تۇرۋ جانە ۇيىمنىڭ ورتا ازياداعى قاتىسۋىن قامتاماسىز ەتۋدە قولداۋىن جالعاستىرۋعا نيەتتى.

 ا. گۋتەرريش كاسپي تەڭىزىندەگى اقتاۋ  سامميتىنىڭ تاريحي ماڭىزدىلىعىن اتاپ ءوتىپ، ب ۇ ۇ ورتالىق ازيا مەملەكەتتەرىنىڭ ىنتىماقتاستىعىن ودان ءارى نىعايتۋعا دايىن ەكەندىگىن ءبىلدىردى. ول قازاقستان باستاماسىمەن ۇسىنىلعان «تەرروريزمنەن ازات الەمگە قول جەتكىزۋ» ءۇشىن مىنەز- قۇلىق كودەكسىن قولدايتىندىعىن ايتتى.

«ءبىز الەمنىڭ بەرىك تىرەگى بولىپ تابىلاتىن پرەزيدەنت ن. نازاربايەۆتىڭ باستامالارىن جوعارى باعالايمىز. قازاقستاننىڭ ب ۇ ۇ قاۋىپسىزدىك كەڭەسىندەگى كونسترۋكتيۆتى ءرولى وتە ماڭىزدى. ءسىزدىڭ ەلىڭىز دانالىقتىڭ داۋىسى جانە كوپىرلەردى ورناتۋدىڭ جاقتاۋشىسى بولىپ تابىلادى»، - دەدى باس حاتشى. ا. گۋتەرريش استانانىڭ سيرياداعى داعدارىستى رەتتەۋدەگى ءرولىن ەرەكشە اتاپ ءوتتى.

 بۇنىڭ سالدارىنان ەڭ ناشار سسەناريدى دامىتۋعا جول بەرىلمەدى. ب ۇ ۇ باس حاتشىسىنىڭ ايتۋىنشا، قازاقستان ديپلوماتياسىنىڭ ءرولى ەلدەر مەن دىندەر اراسىنداعى ءوزارا تۇسىنىستىكتى نىعايتۋدا وتە وڭ بولىپ باعالانادى.

باس اسسامبلەيانىڭ 73- سەسسياسىنىڭ اياسىندا ق. ءابدىراحمانوۆ گرەكيانىڭ سىرتقى ىستەر ءمينيسترى نيكوس كوتزياسپەن كەزدەسۋ وتكىزىپ، ونىڭ بارىسىندا «ەكونوميكالىق ديپلوماتيا» جانە ورتالىق ازيا مەن بالقان ايماعى ەلدەرىنىڭ ىنتىماقتاستىعى تالقىلاندى. تاراپتار جاقىن ارادا ەكىجاقتى ساياسي كونسۋلتاتسيالاردى وتكىزۋ تۋرالى ۋاعدالاستى. ورتالىق ازيا مەن بالقان ەلدەرىنىڭ اراسىندا تۇراقتى ديالوگ ورناتۋ يدەياسى ايتىلدى.

 

دومينيكان رەسپۋبليكاسى سىرتقى ىستەر ءمينيسترى ميگەل ۆارگاسپەن كەزدەسۋدە ەكىجاقتى شارت- قۇقىقتىق بازانى ودان ءارى كەڭەيتۋ ماسەلەلەرى تالقىلاندى. ارمەنيا سىرتقى ساياسي ۆەدومستۆوسىنىڭ باسشىسى زوگراب مناتساكانيانمەن كەزدەسۋدە ساياسي، ساۋدا- ينۆەستيتسيالىق، مادەني- گۋمانيتارلىق ىنتىماقتاستىقتى، سونداي- اق ايماقتىق ۇيىمدار شەڭبەرىندەگى ءوزارا ءىس- قيمىلداردى نىعايتۋ ماسەلەلەرى نەگىزگى نازاردا بولدى.

 

انگولا سىرتقى ىستەر ءمينيسترى مانۋەل اۋگۋشتۋمەن سۇحبات بارىسىندا ب ۇ ۇ شەڭبەرىندەگى ىنتىماقتاستىق، بەيبىتشىلىك پەن قاۋىپسىزدىك كەڭەسىن باسقاراتىن انگولا قازاقستاننىڭ افريكا وداعىمەن قارىم- قاتىناسى، سونداي- اق ينۆەستيتسيالىق جانە ساۋدا- ەكونوميكالىق بايلانىستاردىڭ پەرسپەكتيۆالارى تالقىلاندى. سونىمەن قاتار، قازاقستان ءسىم باسشىسى بۇۇ باس اسسامبلەياسىنىڭ الاڭدارىندا گەرمانيا، ساۋد ارابياسى، سومالي، ەريترەيا جانە باسقا دا ەلدەردىڭ سىرتقى ىستەر مينيسترلەرىمەن ەكىجاقتى ىنتىماقتاستىقتىڭ وزەكتى ماسەلەلەرى بويىنشا پىكىر الماستى.