ماكەدونيادا ەلدىڭ اتىن وزگەرتۋ ءۇشىن رەفەرەندۋم ءوتىپ جاتىر
ماكەدونيا رەسپۋبليكاسىنىڭ اتىن وزگەرتۋ تۋرالى گرەكيامەن جاسالعان ۇكىمەتارالىق كەلىسىم بويىنشا، رەفەرەندۋمدا داۋىس بەرۋ بۇكىل ەل بويىنشا جەكسەنبى كۇنى باستالدى. داۋىس بەرۋ ۋچاسكەلەرى جەرگىلىكتى ۋاقىت بويىنشا ساعات 07:00-دە اشىلىپ، 19:00-گە دەيىن جۇمىس ىستەيدى.
رەسپۋبليكاداعى 2 ميلليون ادامنىڭ 1,8 ميلليونى داۋىس بەرۋ قۇقىعىنا يە. رەفەرەندۋمنىڭ قورىتىندى ناتيجەسى داۋىس بەرۋ اياقتالعاننان كەيىن 24 ساعاتتىڭ ىشىندە بەلگىلى بولادى.
بۇل رەفەرەندۋم گرەكيانىڭ سولتۇستىگىندەگى وبلىسپەن اتتاس بۇرىنعى يۋگوسلاۆيالىق رەسپۋبليكانىڭ اتى بويىنشا افينى مەن سكوپە اراسىنداعى 27 جىلدىق داۋدى رەتتەۋ ءۇشىن شاقىرىلدى.
ماكەدونيا مەن گرەكيا س ءى م باسشىلارى 17 - ماۋسىمدا ەكى ەلدىڭ شەكاراسىندا ورنالاسقان پرەسپا وزەنىنىڭ جاعاسىندا كەزدەسىپ، بۇرىنعى يۋگوسلاۆيالىق مەملەكەتتىڭ اتىن وزگەرتۋ تۋرالى كەلىسىمگە قول قويدى. وعان سايكەس، «سولتۇستىك ماكەدونيا رەسپۋبليكاسى» اتاۋى قولدانىلماق.
