08:30, 01 - قازان 2018 | GMT +5
نۇرسۇلتان نازاربايەۆ يندونەزيا پرەزيدەنتىنە كوڭىل ايتتى
استانا. قازاقپارات - مەملەكەت باسشىسى يندونەزيا رەسپۋبليكاسىنىڭ پرەزيدەنتى دجوكو ۆيدودوعا كوڭىل ايتۋ جەدەلحاتىن جولدادى، دەپ حابارلايدى قازاقپارات اقورداعا سىلتەمە جاساپ.
نۇرسۇلتان نازاربايەۆ يندونەزيا رەسپۋبليكاسىنىڭ سۋلاۆەسي ارالىندا بولعان جەر سىلكىنىسى مەن سۋنامي سالدارىنان كوپتەگەن ادامنىڭ قازا تاپقانى جانە زارداپ شەككەنى تۋرالى حاباردى ۇلكەن كۇيزەلىسپەن قابىلدادى.
«دوستاس يندونەزيا حالقىنىڭ ورنى تولماس قايعىسىنا ورتاقتاسىپ، قازاقستان حالقىنىڭ جانە جەكە ءوزىمنىڭ اتىمنان سىزگە جانە اپات قۇرباندارىنىڭ وتباسىلارى مەن تۋىستارىنا كوڭىل ايتامىن. زارداپ شەككەندەردىڭ تەزىرەك ساۋىعىپ، وتباسىلارىنا ورالۋىنا تىلەكتەستىك بىلدىرەمىن»، - دەلىنگەن جەدەلحاتتا.
