قالا ورتالىعىنا قامال سالادى: شىمكەنت الداعى جىلدارى تۇبەگەيلى وزگەرەدى

None
None
 استانا. قازاقپارات - شىمكەنت قالاسى بولاشاقتى جاڭاشالانىپ، تۇبەگەيلى وزگەرەدى. قالادا قۇرىلىس جۇمىستارى باستالادى.

شىمكەنت قالاسىنىڭ قۇرىلىس جانە ساۋلەت باسقارماسىنىڭ جەتەكشىسى جەڭىس بايىمبەتوۆ بولاشاقتا قالادا تۇبەگەيلى وزگەرىس بولىپ، قۇرىلىس جۇمىستارى جۇرەتىنىن ايتتى، دەپ حابارلايدى 24 حابار ارناسى.

«ىشكى دەڭگەيدەگى جوسپارلاۋ جوباسىندا 9 دان 12 قاباتقا دەيىن كوپ قاباتتى عيمارات، كوپقاباتتى تۇرعىن ۇيلەر سالىنىپ، كوگالداندىرىلاتىن بولادى. بۇل تۇرعىندار مەن تۋريستەردىڭ نازارىن اۋداراتىن ورىن بولادى. قالانىڭ ورتاسىندا تاريحي كىتاپتاردىڭ سۋرەتتەرىنە سايكەس، ەجەلگى تسيتادەل قالپىنا كەلتىرىلەدى. قالپىنا كەلتىرۋشىلەر جىل سوڭىنا دەيىن بەكىنىس قابىرعاسىن كوتەرۋدى ۋادە ەتەدى جانە ەكى جىل ىشىندە وبەكتىنى تولىعىمەن جاڭارتادى» ، - دەيدى جەڭىس بايىمبەتوۆ.

قالادا جاڭا مۇراجاي بوي كوتەرەدى.

«3 مىڭ شارشى مەتر اۋماقتى تۇرعىن ءۇي كەشەنى زەرتتەلدى. اۋماق ورتا عاسىر مەن ورتا عاسىردان كەيىنگى جىلدارعا ءتان. مۇراجاي عيماراتىن اشۋ جوسپاردا بار. تابىلعان ارتەفاكتتىڭ ءبارى سوندا ساقتالاتىن بولادى» ، - دەيدى ا. اۋەزوۆ اتىنداعى وڭتۇستىك قازاقستان مەملەكەتتىك ۋنيۆەرسيتەتىنىڭ عىلىمي قىزمەتكەرى ازامات ەرگەشبايەۆ.

 قالادا تۋريستەردى تارتۋ ءۇشىن ۆوكزالى بار جاڭا تەمىرجولدى كەشەن تۇرعىزىلادى. ال، اۋەجايدا جەكە ينۆەستيتسيالار ءۇشىن جاڭا تەرمينال سالىنادى. اكىمدىك ينجەنەرلىك جەلى قۇراپى، جول مەن ۆوكزال الاڭىن جاساماق.

وبلىس ورتالىعىنا كوپتەگەن جۇمىس جۇرگىزىلەدى. جالپى ترانسپورتتىڭ مودەرنيزاتسيالانعان جۇيەسى بولادى. كوممۋنالدى قىزمەت ساندىق جۇيەگە اۋىسادى. 100 گەكتار جەرگە جاڭا ىقشاماۋدان سالادى.

 Stan.kz

سوڭعى جاڭالىقتار