يلون ماسك قىزمەتىنەن كەتەدى
كاسىپكەر مەن ا ق ش- تىڭ باعالى قاعازدار جونىندەگى كوميسسياسى وسىنداي كەلىسىمگە كەلدى. بۇعان بيزنەسمەنگە الاياق دەگەن ايىپتىڭ تاعىلۋى سەبەپ بولعان، دەپ حابارلايدى Baq.kz اقپارات اگەنتتىگى.
دەگەنمەن، ماسك كومپانيانىڭ باس ديرەكتورى قىزمەتىن ساقتاپ قالادى.
ا ق ش- تىڭ باعالى قاعازدار جونىندەگى كوميسسياسىنىڭ سايىندا سوتقا دەيىنگى رەتتەۋ اياسىنداعى سەنىمحاتتارعا سايكەس، ماسك Tesla باسشىسى بولىپ قالا بەرەدى، دەگەنمەن ماسك ديرەكتورلار كەڭەسىنىڭ ءتوراعاسى قىزمەتىنەن ءۇش جىلعا باس تارتۋى كەرەك. ونىڭ ورنىنا تاۋەلسىز ءتوراعا كەلەدى. سونداي- اق، Tesla ەكى جاڭا تاۋەلسىز ديرەكتوردى تاعايىنداۋى ءتيىس.
بۇعان قوسا، يلونا ماسكقا 20 ميلليون دوللار كولەمىندە ايىپپۇل سالىنعان. كوميسسيا شەشىمى بويىنشا، Tesla ايىپپۇل رەتىندە 20 ميلليون دوللار تولەۋى ءتيىس.
وسىعان دەيىن كوميسسيا نيۋ- يوركتەگى سوتقا بيزنەسمەنگە قارسى شاعىمدانعان بولاتىن. ارىز- شاعىمداعى اقپاراتقا ساي، Tesla كومپانياسىن جەكەمەنشىك ەتۋ ءۇشىن ماسك تاراپىنان جالعان مالىمەت كوپ ايتىلعان.
ەستەرىڭىزدە بولسا، بۇعان دەيىن قىتايداعى ءىرى ەلەكتروندى ساۋدا كورپوراتسيانىڭ نەگىزىن قالاۋشى دجەك ما كومپانيانىڭ باسشىسى لاۋازىمىنان كەتەتىنى تۋرالى جازعان بولاتىنبىز.
