13:34, 30 - قىركۇيەك 2018 | GMT +6
گولوۆكين سپورتتىڭ قانداي تۇرلەرىن ۇناتاتىنىن ايتتى
استانا. قازاقپارات - قازاقستاندىق بوكسشى گەننادي گولوۆكين Complex Sports قا بەرگەن سۇحباتىندا سپورتتىڭ وزگە قانداي تۇرلەرىن ۇناتاتىنىن ايتتى، دەپ حابارلايدى قازاقپارات Sports.kz سايتىنا سىلتەمە جاساپ.
- جالپى، ءارتۇرلى تۋرنيرلەر مەن جارىستاردى تاماشالاعاندى ۇناتامىن. NHL، NBA، NFL ويىندارىن ۇنەمى كورەمىن جانە تەننيس پەن گولفتى وتكىزىپ الماۋعا تىرىسامىن.
ايتا كەتەيىك، گەنناديدى بىرنەشە مارتە حوككەي، فۋتبول، باسكەتبول جانە بەيسبول كلۋبتارى قوناققا شاقىرىپ، كادەسىيلاردى تارتۋ ەتكەن بولاتىن.
گولوۆكين ءوزىنىڭ سوڭعى ايقاسىن 15 - قىركۇيەك كۇنى ا ق ش- تا مەكسيكالىق ساۋل الۆارەسكە قارسى وتكىزدى. ريەۆانشتاعى جەڭىس تورەشىلەردىڭ باسىم داۋىسىمەن الۆارەسكە بەرىلدى. گولوۆكيننىڭ پروموۋتەرى توم لەففلەر قازاقستاندىق بوكسشى كەلەسى جىلعا دەيىن رينگكە شىقپايتىنىن ايتتى.
