ەڭبەكقور شىمكەنتتىكتەر قالانىڭ دامۋ كەپىلى سانالادى - ەلباسى
ورتالىق قالا تۇرعىندارىمەن قاتار شەتەلدىك ينۆەستورلار ءۇشىن دە سيفرلىق فورماتتا مەملەكەتتىك قىزمەت كورسەتۋگە باعىتتالعان.
قازاقستان پرەزيدەنتىنە ەكونوميكانىڭ ءتۇرلى سەكتورلارىن، سونىڭ ىشىندە اگروونەركاسىپ كەشەنى، ءبىلىم، تۇرعىن ءۇي- كوممۋنالدىق شارۋاشىلىعى، دەنساۋلىق ساقتاۋ، كولىك جانە قاۋىپسىزدىك سالالارىن سيفرلاندىرۋ جوبالارىنىڭ ىسكە اسىرىلۋى جونىندە باياندالدى.
باياندامانى تىڭداعان سوڭ نۇرسۇلتان نازاربايەۆ حالىققا مەملەكەتتىك قىزمەت كورسەتۋ ءىسىنىڭ ساپاسىن ارتتىرۋ جانە جەدەلدەتۋ ءۇشىن سيفرلاندىرۋ باعدارلاماسىن جۇزەگە اسىرۋدىڭ ماڭىزدى ەكەنىن ەرەكشە اتاپ ءوتتى.
- شىمكەنت ءىرى مەگاپوليسكە اينالادى. مۇندا جاڭا جوبالار ىسكە اسىرىلۋدا. ەڭبەكقور شىمكەنتتىكتەر قالانى دامىتۋدىڭ كەپىلى سانالادى. جۇمىستىڭ ەڭ ماڭىزدى باعىتى - شاعىن جانە ورتا بيزنەس. ونى دامىتۋ ءۇشىن ءتيىستى قولداۋ كورسەتۋ قاجەت، - دەدى قازاقستان پرەزيدەنتى.