كونە وتىرار قالاشىعى تۋريزم ورتالىعىنا اينالماق

None
None
تۇركىستان. قازاقپارات - بۇگىن ق ر مادەنيەت جانە سپورت ءمينيسترى ارىستانبەك مۇحامەدي ۇلى تۇركىستان وبلىسىنداعى وتىرار اۋدانىنا ارنايى جۇمىس ساپارىمەن كەلدى.

ول وسىندا تۇرعىزىلاتىن «وتىرار قالاجۇرتىنىڭ ساپار- ورتالىعىنا» «امانات حات» كاپسۋلاسىن سالۋ راسىمىنە قاتىستى، دەپ حابارلايدى قازاقپارات ءتىلشىسى.

ەلباسى نۇرسۇلتان ءابىش ۇلىنىڭ «بولاشاققا باعدار: رۋحاني جاڭعىرۋ» اتتى ماقالاسى اياسىندا ۇيىمداستىرىلعان سالتاناتتى جيىندا مينيستر ءسوز سويلەپ، تاريحي ءساتتىڭ ماڭىزدىلىعىنا توقتالدى.

"ءبىزدىڭ ماقساتىمىز - ەلباسى تاپسىرماسىن بۇلجىتپاي ورىنداپ، تاريحىمىز بەن مادەنيەتىمىزدى الەمگە پاش ەتۋ. بۇگىنگى شارامىز ۇلى جىبەك جولى بويىندا جاتقان تاريحي ولكەنى شەتەلدىكتەرگە تانىتۋدىڭ باسى بولماق»، - دەدى ارىستانبەك مۇحامەدي ۇلى.

Көне Отырар қалашыÒ

 ءوز كەزەگىندە اۋدان اكىمى ەرلان ايتاحانوۆ ءمينيستردى ارىستانباب كەسەنەسى مەن وتىرار توبەنى جالعاپ تۇرعان 17 گەكتار جەردە سالىناتىن نىسانداردىڭ جوبالارىمەن تانىستىرىپ شىقتى. مۇندا ساپار ورتالىعىنان بولەك ءارتۇرلى نىساندار بوي كوتەرمەك. ەتنو ورتالىق، جوعارى دارەجەلى 60 ورىندىق قوناق ءۇي، دەمالىس ورىندارى سالىنادى. بۇل نىسانداردىڭ قۇرىلىسىنا بيۋدجەتپەن قاتار جەكە ينۆەستورلاردىڭ دا قارجىسى تارتىلماق. وسى نىساندار پايدالانۋعا بەرىلگەندە تۋريستەردىڭ وتىرار تاريحىمەن تولىق تانىسۋىنا مۇمكىندىكتەرى بولادى.

 مۇنان سوڭ مينيستر وتىرار توبەدەگى قازبا جۇمىستارىمەن تانىسىپ، قايتا جاڭعىرعان وتىرار مەملەكەتتىك ارحەولوگيالىق قورىق- مۋزەيىن كوردى. سونداي- اق جەرگىلىكتى جانە «ۇلى دالا ەلىنە ساياحات» ەكسپەديتسياسىنىڭ جۋرناليستەرىنە ارناپ سۇحبات بەردى.

Көне Отырар қалашыÒ

سوڭعى جاڭالىقتار