يليا يلين مەن زۋلفيا چينشانلو الەم چەمپيوناتىنا قاتىساتىن بولدى
تىزىمدە دوپينگپەن بايلانىستى جاعدايدان سوڭ جارىستاردان شەتتەتىلگەن يليا يلين مەن زۋلفيا چينشانلو دا بار، دەپ حابارلايدى قازاقپارات قازاقستاننىڭ اۋىر اتلەتيكا فەدەراتسياسىنىڭ باسپا ءسوز قىزمەتىنە سىلتەمە جاساپ.
ءباسپاسوز مالىمەتتەرىنە قاراعاندا، يليا يلين مەن زۋلفيا چينشانلونىڭ جارىستاردان شەتتەتىلۋ مەرزىمى اياقتالدى.
فەدەراتسيانىڭ سايتىندا تاراتىلعان مالىمەتتەر بويىنشا، جۋىردا قازاقستاننىڭ اۋىر اتلەتيكا فەدەراتسياسىنىڭ كەڭەيتىلگەن باپكەرلەر قۇرامىنىڭ كەڭەسى ءوتتى. وعان فەدەراتسيا باسشىلىعى مەن ۇلتتىق قۇرامانىڭ باپكەرلەر شتابىنىڭ وكىلدەرى دە قاتىستى. جيىن بارىسىندا اشحابادتا وتەتىن الەم چەمپيوناتىنا دايىندىق بارىسى مەن وسى شارامەن بايلانىستى ماڭىزدى ماسەلەلەر تالقىلاندى. سونداي- اق الەم چەمپيوناتىنا قازاقستان اتىنان باراتىن سپورتشىلاردىڭ ءتىزىمى بەكىتىلدى.
«فەدەراتسيا اتىنا IWF ۇيىمىنان اشحابادتا وتەتىن الەم چەمپيوناتىنا تىزىمدەگى بارلىق سپورتشىلاردىڭ قاتىسۋىنا رۇقسات بەرىلگەندىگىن راستايتىن قۇجات كەلدى. بارشاعا ءمالىم، الداعى چەمپيونات قازاقستاندىق اۋىر اتلەتتەردىڭ جارىستاردان شەتتەتىلگەننەن كەيىنگى العاشقى حالىقارالىق باسەكەسى بولماق. جارىستاردان شەتتەتىلۋ مەرزىمى اياقتالماي تۇرىپ بىزگە ءبىرقاتار تالاپتار مەن مىندەتتەمەلەردى ورىنداۋ تۋرالى ارنايى شارت قويىلعان بولاتىن. ءبىز ولاردىڭ بارلىعىن تولىعىمەن ورىندادىق جانە بىزگە جولدانعان قۇجات وسى ءسوزىمىزدىڭ جارقىن دالەلى. قورىتا ايتقاندا، ءبىز بەكىتكەن ۇلتتىق قۇراما جۋىردا وتەتىن الەم بىرىنشىلىگىنە تولىق قاتىسادى» ، - دەدى اۋىر اتلەتيكا فەدەراتسياسىنىڭ باس حاتشىسى الەكسەي گولوۆين.
وسىلايشا، ءدۇبىرلى دوداعا ۇلتتىق قۇراما ساپىندا مىنا سپورتشىلار ونەر كورسەتەتىن بولدى:
ەرلەر:
ارلي چونتەي، 55 كيلوگرامعا دەيىن
فارحاد حاركي، 67 كيلوگرامعا دەيىن
نيجات راحيموۆ 73 كيلوگرامعا دەيىن
ايدار قازوۆ 81 كيلوگرامعا دەيىن
دەنيس ۋلانوۆ 89 كيلوگرامعا دەيىن
رۇستەم سىباي 96 كيلوگرامعا دەيىن
يليا يلين 102 كيلوگرامعا دەيىن
الەكساندر زايچيكوۆ 109 كيلوگرامعا دەيىن
يبراگيم بەرسانوۆ 109 كيلوگرامعا دەيىن
ەلدوس سايلاۋ +109 ك گ.
ايەلدەر:
زۋلفيا چينشانلو 55 كيلوگرامعا دەيىن
ساۋلە سادۋاقاسوۆا 59 كيلوگرامعا دەيىن
اسەم سادىقوۆا 64 كيلوگرامعا دەيىن
كارينا گوريچيەۆا 64 كيلوگرامعا دەيىن
نادەجدا ليحاچيەۆا 71 كيلوگرامعا دەيىن
ەكاتەرينا ستوليارەنكو 71 كيلوگرامعا دەيىن
ەكاتەرينا بىكوۆا 76 كيلوگرامعا دەيىن
راۋشان مەشيتحانوۆا 87 كيلوگرامعا دەيىن
ايزادا مۋپتيلدا +87 ك گ
الەكساندرا ابورنيەۆا +87 ك گ
ايتا كەتەيىك، 2018 -جىلى اۋىر اتلەتيكادان الەم چەمپيوناتى IWF ۇيىمىنىڭ 2018 -جىلدىڭ شىلدەسىندە قابىلداعان جاڭا كورسەتكىشتەر بويىنشا وتەدى.
