عالىمدار: كەڭسەدەگى جۇمىس اجىراسۋعا اكەلەدى

  استانا. قازاقپارات - شۆەتسيانىڭ الەۋمەتتانۋشىلارى جۇمىسپەن قامتۋ سالاسىنىڭ اجىراسۋ ستاتيستيكاسىنا قالاي بايلانىستى ەكەنىن زەرتتەدى.

عالىمدار اجىراسۋ قالىپتى نارسە سانالاتىن دانيا مەملەكەتىنەن الىنعان مالىمەتتەرگە نازار اۋداردى. بۇل ەلدە ايەلدەر مەن ەر ادامدار ءارتۇرلى كاسىپتىك سالادا جۇمىس ىستەيدى جانە جاس انالار دەكرەتتىك دەمالىستان قىزمەتىنە تەز ورا الادى.

الەۋمەت تانۋشىلار 1981 -جىلدان 2002 -جىلعا دەيىن قۇرىلعان نەكە جانە ەرلى- زايىپتىلاردىڭ جۇمىس ورنى تۋرالى اقپارات الدى. زەرتتەۋشىلەر اتاپ وتكەندەي، ىرىكتەۋگە ەنگىزىلگەن شامامەن 100 مىڭ جۇپ اجىراسىپ كەتكەن.

ەرلى زايىپتىلار كوبىنە جۇمىس بابىمەن، مىسالى ۇيلەنگەن ەركەك جۇمىسىنداعى ايەل اداممەن نەمەسە تۇرمىستاعى كەلىنشەك ەر اداممەن ءجيى ارالاسقان سوڭ ناتيجەسى اجىراسۋعا اكەلگەن.

ايەلدەردىڭ ۇجىمىندا جۇمىس ىستەگەن ەر ادامدار كوبىنەسە باسقا ادامدارمەن جۇمىس ىستەگەن ەركەكتەرگە قاراعاندا %15 عا ءجيى اجىراسقان. ايەلدەردە دە ءدال وسىلاي بولدى. ءبىراق ەرلەر توبىندا جۇمىس ىستەگەن ايەلدەردىڭ اجىراسۋ ىقتيمالدىعى %10  عا ارتقان.

ءبىر قىزىعى، جوعارى ءبىلىمدى ەر ادامدار ءبىلىم دەڭگەيى تومەن قۇرداستارىنا قاراعاندا كوپ اجىراساتىن بولىپ شىقتى.

زەرتتەۋ ناتيجەسى كورسەتكەندەي، ەر ادامدار اراسىندا فەرمەرلەر مەن كىتاپحاناشىلار كوپ جاعدايدا اجىراسۋعا جول بەرمەيدى. سونداي- اق، اۋىل شارۋاشىلىعىندا، فارماتسيەۆتيكادا جانە تاۋ- كەن ونەركاسىبىندە جۇمىس ىستەيتىن ايەلدەر دە اجىراسۋعا كوپ بارا بەرمەيدى ەكەن.

ال، وتباسىلى ەركەكتىڭ جۇمىسىندا جاس قىزدار، ياعني ارىپتەستەرى كوپ بولسا ءجيى اجىراسىپ جاتادى. ايەلدەردە دە ءدال وسىلاي. مىسالى، قوناق ءۇي جانە مەيرامحانادا جۇمىس ىستەيتىن كەلىنشەكتىڭ جۇمىسىندا جاس جىگىتتەر قىزمەت ەتەتىن بولسا، نەكەلەرى اجىراسۋمەن اياقتالۋى مۇمكىن.