ىستانبۇلدا تۇركى كينوسىنىڭ اپتالىعى وتەدى

 ىستانبۇل. قازاقپارات - تۇركيادا ەكىنشى قازاندا تۇركى كينوسىنىڭ اپتالىعى باستالادى، دەپ حابارلايدى انادولى اگەنتتىگى.

تۇركى كينوسىنىڭ اپتالىعى تۇركى الەمى كينەماتوگرافشىلار وداعى مەن ەۋرازيا مادەنيەت جانە ونەر قاۋىمداستىعىنىڭ ۇيىمداستىرۋىمەن جانە تۇركيانىڭ مادەنيەت جانە تۋريزم مينيسترلىگى كينەماتوگرافيا ماسەلەلەرى باسقارماسى، سونداي- اق ىستانبۇل مۋنيتسياليتەتىنىڭ قولداۋىمەن وتەدى.

ءىس- شارا اياسىندا 10 ەلدىڭ ون فيلمى كورسەتىلەدى.

ءىس- شارانىڭ ماقساتى - كينو سالاسىنداعى جاڭا تالانتتاردى اشۋ، وسى سالاداعى كاسىبيلەر اراسىنداعى ىنتىماقتاستىقتى دامىتۋ.

 تۇركى كينوسىنىڭ اپتالىعى شەڭبەرىندە Kervan 1915 («كەرۋەن 1915» ) تۇرىك فيلمى، سونداي- اق الاي قىرعىزدارى بيلەۋشىسىنىڭ ءومىرى مەن قىزمەتى تۋرالى «قۇرمانجان داتقا» قىرعىز فيلمى كورسەتىلەدى.

بۇدان بولەك، تۇركى كينوسىنىڭ اۋەسقويلارى «اناعا اپارار جول» قازاقستان دراماسىن، Büyük Ayى Eterah فيلمىن (باشقۇرتستان) ، Molla (تاتارستان) ، İslam Hoca (وزبەكستان) ، Mankurt (تۇركىمەنستان) ، İntikam Almadan ضlme (ازەربايجان) ، (حاكاسيا) ، Kral Kuşu (ياكۋتيا) فيلمدەرىن كورە الادى.

تۇركى كينوسىنىڭ اپتالىعى قازان ايىنىڭ التىسىنا دەيىن جالعاسادى.