19:04, 28 - قىركۇيەك 2018 | GMT +6
شىمبۇلاق اسپالى جولى جابىلدى
الماتى. قازاقپارات - الماتىدا شىمبۇلاق پەن مەدەۋدەگى اسپالى جولدار ۋاقىتشا توقتاتىلدى، دەپ حابارلايدى قازاقپارات ءتىلشىسى قالالىق اكىمدىكتىڭ باسپا ءسوز قىزمەتىنە سىلتەمە جاساپ.
قىسقى ماۋسىمداعى ۇزدىكسىز جۇمىستى قامتاماسىز ەتۋ ماقساتىندا بارلىق اسپالى جانە گاندول جولدارىندا جىل سايىنعى پروفيلاكتيكالىق جوندەۋ جۇمىستارى جۇرگىزىلەدى.
سوندىقتان بۇل نىساندار بيىل 1-31 قازان ارالىعىندا جابىق تۇرادى.
ايتا كەتۋ كەرەك، شىمبۇلاق كەشەنىندەگى قوناق ۇيلەر مەن مەيرامحانالار شتاتتىق رەجىمدە جۇمىس ىستەيدى. سونىمەن قاتار، ارقاندى پارك پەن اكروباتيكالىق باتۋت سەنبى جانە جەكسەنبى كۇندەرى عانا تۋريستەر مەن قالا تۇرعىندارىن قابىلدايدى.
