كاۋاپ جاساۋدان اقمولادا گيننەستىڭ الەمدىك رەكوردى جاڭارتىلدى
رەكورد رەسمي تۇردە گيننەستىڭ الەمدىك رەكوردتار كىتابىندا تىركەلدى، دەپ حابارلايدى قازاقپارات ءتىلشىسى.
كاسىپورىننىڭ ب ا ق پەن بايلانىس جانە PR مەنەدجەرى ماليكا بولدەكبايەۆانىڭ ايتۋىنشا، كاۋاپ دايىنداۋ ءۇشىن 400 كيلوگرامنان استام تاۋىق ەتى پايدالانىلعان. العاشىندا ۇزىندىعى 220 مەتر كاۋاپ دايىنداۋ جوسپارلانسا، كەيىن بۇل كورسەتكىش 222 مەترگە جەتكىزىلدى.
«شاراعا گيننەستىڭ الەمدىك رەكوردتارىن ۇيىمداستىرۋداعى رەسمي تورەشىسى پاۋلينا ساپينسكايا قاتىسىپ، ارنايى سەرتيفيكات تاپسىردى» ، دەپ ايتتى ماليكا بولدەكبايەۆا قازاقپارات ءتىلشىسىنىڭ ساۋالىنا.
ايتا كەتۋ كەرەك، رەكوردتار كىتابىنا ەنگەن الدىڭعى رەكورد 2007 -جىلى سينگاپۋردە ورناتىلعان ەدى، سول كەزدەگى كاۋاپتىڭ ۇزىندىعى 140 مەتردى قۇرادى، كەيىن بۇل رەكورد رەسەيدە جاڭارتىلىپ، 170 مەترگە جەتتى.
ەسكە سالا كەتەيىك، بۇگىن يندۋستريالاندىرۋ كارتاسى اياسىندا ەلىمىزدەگى جانە ورتالىق ازياداعى ەڭ ءىرى قۇس فابريكاسى ىسكە قوسىلدى. بۇلاندى اۋدانىندا اشىلعان «ماكينسك قۇس فابريكاسى» ج ش س- ءنىڭ جىلدىق قۋاتى 50 مىڭ توننا قۇس ەتىن وندىرۋگە مۇمكىندىك بەرەدى. ماڭىزدى جوبانى جۇزەگە اسىرۋ وڭىردە جاڭا جۇمىس ورىندارىن اشىپ، ءوندىرىستى دامىتۋعا سەرپىن بەرەدى دەپ كۇتىلۋدە. سونىمەن قاتار، اتالعان جوبا استانا قالاسى اينالاسىندا ازىق- تۇلىك بەلدەۋىن دامىتۋعا سەپتىگىن تيگىزبەك.
