17:51, 28 - قىركۇيەك 2018 | GMT +6
زايسان تۇرعىنى ارقاردان ءتول الام دەپ ءىستى بولدى
وسكەمەن. قازاقپارات - زايسان اۋدانىندا ارقاردى قولعا ۇيرەتپەك بولعان اۋىل تۇرعىنى ۇستالدى، دەپ حابارلايدى قازاقپارات ءتىلشىسى.
26 - قىركۇيەك كۇنى پوليتسيا كاپيتانى داۋرەن ماۋكەنوۆ وزىنە تيەسىلى اۋماقتى ارالاپ ءجۇرىپ، 55 جاستاعى تۇرعىننىڭ قوراسىنان ارقار كورەدى. «تۇرعىن ارقاردى وسىدان ءبىر اي بۇرىن اكەلگەنىن، قوراداعى قويىنىڭ ءناسىلىن ساپالى ەتۋ ءۇشىن ارقارمەن شاعىستىرماق بولعانىن مويىنداعان. قىزىل كىتاپقا ەنگەن جانۋاردى زاڭسىز ۇستاعانى ءۇشىن اۋىل تۇرعىنىنا قارسى سوت الدى تەرگەۋ جۇمىستارى ءجۇرىپ جاتىر» ، - دەلىنگەن وبلىستىق ىشكى ىستەر دەپارتامەنتىنىڭ اقپاراتىندا.
زاڭسىزدىققا جول بەرگەن تۇرعىنمەن قاتار ارقاردىڭ دا تاعدىرىن سوت شەشپەك.
