ەلدىڭ سولتۇستىگىنە قونىس اۋداراتىنداردى باسپانامەن قامتۋدىڭ جاڭا تەتىگى ازىرلەنۋدە
«جۇمىس كۇشى جەتىسپەيتىن سولتۇستىك وڭىرلەردىڭ ەكونوميكاسىن قامتاماسىز ەتۋ ءۇشىن جۇمىس كۇشى ارتىق وڭىرلەردەن ەرىكتى تۇردە قونىس اۋدارۋدى ىنتالاندىرۋ شارالارى قابىلدانىپ جاتىر. 2017-2018 -جىلدارى 2,3 مىڭ وتباسى نەمەسە 7,8 مىڭ ادام قونىس اۋداردى. ەڭبەككە قابىلەتتى جاستاعى قونىس اۋدارۋشىلاردىڭ 60 پايىزىنان استامى جۇمىسقا ورنالاستىرىلدى. سونىمەن قاتار، مينيسترلىك تاراپىنان باعدارلامانىڭ ىسكە اسىرىلۋ تيىمدىلىگىنە جۇرگىزىلگەن مونيتورينگ ونىڭ تەتىكتەرىن جەتىلدىرۋ جانە جەرگىلىكتى اتقارۋشى ورگاندار تاراپىنان باقىلاۋدى كۇشەيتۋ قاجەت ەكەنىن انىقتادى. ماسەلەن، قىسقا مەرزىمدى كاسىپتىك كۋرستاردى اياقتاعاننان كەيىن، جۇمىسقا ورنالاستىرۋ تولىق قامتاماسىز ەتىلمەيدى. جاڭا تۇرعىلىقتى جەرگە كوشكەن كەزدە تۇرعىن ۇيمەن قامتاماسىز ەتۋ ماسەلەسى تۋىندايدى»، - دەدى مينيستر.
م. ءابىلقاسىموۆانىڭ سوزىنە قاراعاندا، قولدانىستاعى قۇرالداردىڭ تيىمدىلىگى ارتتىرۋ ءۇشىن مينيسترلىك باعدارلاماعا ءتيىستى وزگەرىستەردى دايىندادى.
«قىسقا مەرزىمدى كاسىپتىك وقىتۋ مىندەتتى تۇردە جۇمىسقا ورنالاستىرۋعا باعدارلاناتىن بولادى. وقۋ ورىندارىنا قويىلاتىن تالاپتار كۇشەيتىلەدى جانە ەڭبەك نارىعىنداعى سۇرانىسقا قاراي ماماندىقتار قايتا قارالادى. ونلاين وقىتۋ مۇمكىندىگى كوزدەلدى. اۋىلداردا ياكورلى كووپەراتسيا بويىنشا جاڭا قۇرال دامىتىلا باستايدى، ول كرەديت الۋشىلاردىڭ ءوز ءونىمىن مىندەتتى تۇردە ساتۋىن قامتاماسىز ەتەدى»، - دەپ ناقتىلادى ۆەدومستۆو باسشىسى.
ونىڭ اتاپ وتۋىنشە، قونىس اۋدارۋشىلاردىڭ ماسەلەلەرىن كەشەندى تۇردە شەشۋ ءۇشىن باعدارلامانىڭ جانە «ماڭگىلىك ەل جاستارى - يندۋسترياعا!» («سەرپىن» - اۆت. ) جوباسىنىڭ قونىس اۋدارۋشىلاردى قولداۋ قۇرالدارى ينتەگراتسيالانادى. تۇرعىن ءۇي سالۋ جانە ساتىپ الۋ ارقىلى قونىس اۋدارۋشىلاردى تۇرعىن ۇيمەن قامتاماسىز ەتۋدىڭ جاڭا تەتىگى ازىرلەنۋدە. مەحانيزم سولتۇستىك قازاقستان وبلىسىندا قاناتقاقتى اپروباتسيادان وتكىزىلە باستادى.
«اعىمداعى جىلعى قازاندا باعدارلاماعا ءتيىستى وزگەرىستەر ەنگىزۋ جوسپارلانعان»، - دەپ ءتۇيدى ءمادينا ءابىلقاسىموۆا.
اۆتور: رۋسلان عابباسوۆ
