قازاقستاندا تۋعان ارۋ ورتا سالماقتاعى ءابسوليۋتتى چەمپيون اتاعىنا تالاسپاقشى
بۇل تۋرالى Showtime تەلەارناسى حابارلادى.
شيلدس پەن حاممەر جەكپە-جەگى 17- قاراشادا اتلانتيك-سيتيدەگى Boardwalk Hall (ا ق ش، نيۋ-دجەرسي شتاتى) ارەناسىندا وتەدى. وسى كەزدەسۋ ءۇشىن امەريكالىق ارۋ ءوزىنىڭ WBA Super جانە IBF تيتۋلدارىن، ال كريستينا WBC پەن WBO تۇجىرىمدارىنان يەلەنگەن بەلبەۋلەرىن تىگىپ وتىر.
بۇل كەزدەسۋدى ا ق ش- تا Showtime تەلەارناسى تىكەلەي ەفيردە تاراتادى.
ەسكە سالا كەتەيىك، 28 جاستاعى كريستينا حاممەر قاراعاندى وبلىسىنىڭ نوۆودولينكا اۋىلىندا دۇنيەگە كەلگەن. ول بالا كەزىندە وتباسىمەن بىرگە گەرمانياعا كوشىپ كەتەدى. قازىر بوكسشى قىز دورتمۋند قالاسىندا تۇرىپ جاتىر.
حاممەر كاسىپقوي بوكسقا 2009-جىلى اۋىستى. ال ءبىر جىل وتكەن سوڭ 20 جاسىندا WBO تيتۋلىن يەلەندى. توعىز جىلدىق مانسابىندا ول ءۇش سالماقتا چەمپيون اتانعان. ال 23 جاستاعى شيلدس بولسا كاسىپقوي بوكسقا ەكى دۇركىن وليمپيادا چەمپيونى دەگەن اتاقپەن اۋىستى. 2017-جىلى ول ەكىنشى ورتا سالماقتا الەم چەمپيونى اتاندى. وسىدان سوڭ ءبىر مارتە اتاقتارىن قورعادى.
وسى جىلدىڭ ماۋسىم ايىندا شيلدس كارەراسىندا العاش رەت نوكداۋنعا ءتۇسىپ قالىپ، ءبىراق كەزدەسۋ سوڭىنا قاراي تورەشىلەر شەشىمىمەن جەڭىسكە جەتتى. وسىلايشا، ورتا سالماقتاعى WBA Super جانە IBF ۆاكانتتى تيتۋلدارىن ەنشىلەدى.
ەسكە سالايىق، قازىرگى تاڭدا كاسىپقوي بوكستا نەبارى ەكى ابسوليۋتتى الەم چەمپيونى بار. ولار - نورۆەگيالىق سەسيليا برەكحۋس (34-0، 9 ك و) پەن ۋكراينالىق الەكساندر ۋسيك (15-0، 11 ك و).
اباي ايماعامبەت
www.aikyn.kz
