يزرايل پرەمەرى: يراندا «قۇپيا يادرولىق قويما» بار
بۇل تۋرالى ول نيۋ-يوركتە ب ۇ ۇ باس اسسامبلەياسىنداعى سوزىندە بايانداپ، وعان دالەل رەتىندە «يادرولىق قويمانىڭ» سۋرەتتەرىن كورسەتتى.
نەتانياحۋدىڭ سوزىنشە، «قۇپيا قويمادا» توننالاعان يادرولىق ماتەريالدار مەن قۇرال-جابدىق بار. يزرايل پرەمەرى حالىقارالىق باقىلاۋشىلاردى وسىعان تەكسەرۋ جۇرگىزۋگە شاقىردى. ول ەۋروپا ەلدەرى يرانعا قارسى سانكسيا سالعان ا ق ش- تى قولداۋى ءتيىس ەكەنىن ايتتى.
بۇنىڭ الدىندا ب ۇ ۇ- دا سويلەگەن ا ق ش پرەزيدەنتى دونالد ترامپ ۆاشينگتون وسى جىلدىڭ سوڭىندا يرانعا جاڭا سانكسيالار سالاتىنىن ەسكەرتتى.
ا ق ش پەن يزرايل تەگەران 2015-جىلى الەمدىك دەرجاۆالارمەن جاساسقان «يادرولىق كەلىسىمدى» اتوم بومباسىن جاساۋعا رەسۋرس جيناۋعا پايدالاندى دەپ بىلەدى. مامىر ايىندا ۆاشينگتون كەلىسىمنەن شىعىپ، يرانعا قارسى سانكسيا سالاتىنىن جاريالاعان جانە وداقتاستارىن يراننان مۇناي ساتىپ الماۋدى تالاپ ەتكەن.
26- قىركۇيەكتە ب ۇ ۇ باس اسسامبلەياسىندا سويلەگەن دونالد ترامپ ا ق ش- تىڭ يرانعا قارسى سانكسيالارىن بۇزعان ەلدەرگە «سالدارى اۋىر بولاتىنىن» ەسكەرتتى. بۇدان بۇرىن ەۋروپا وداعى ا ق ش سانكسياسىن اينالىپ ءوتۋ ءۇشىن يرانمەن ەسەپ ايىرىساتىن ارنايى قارجى ينستيتۋتىن قۇراتىنى حابارلانعان. ۇلى بريتانيا، فرانسيا، گەرمانيا، رەسەي مەن قىتاي تەگەراننىڭ «يادرولىق كەلىسىم» شارتتارىن ورىنداپ وتىرعانىن راستاعان.
