ماتەماتيكا وليمپياداسىنىڭ جەڭىمپازى، گيننەستىڭ رەكوردتار كىتابىنا ەنگەن قۋات ەسەنوۆ تابىسقا جەتۋىنىڭ جولىن ايتتى
الەمدەگى ەڭ ايگىلى وقۋشى گيننەستىڭ رەكوردتار كىتابىنا ەنگەن. بۇگىندە Google كومپانياسىندا جۇمىس ىستەيدى.
ول جاقسى ءبىلىم الۋ ءۇشىن اعىلشىن ءتىلىن مەڭگەرىپ، ماتەماتيكانى وقۋ كەرەك دەگەن كەڭەسىن ايتتى. بۇل جايلى قۋات پاۆلادارلىقتارمەن كەزدەسۋ كەزىندە ايتتى، دەپ حابارلايدى BNews.kz.
مۇعالىمدەردىڭ ايتۋىنشا، قۋاتتىڭ دارىندىلىعى جاستايىنان بايقالعان. ول 3 جاسىندا وقىپ ۇيرەنىپ، مەكتەپتە بارلىق ءپاندى جاقسى وقىعان. مۇعالىمى داۆيد گانەليننىڭ ايتۋىنشا، ول تابيعاتىنان دارىندى. 9-11- سىنىپ ارالىعىندا ماتەماتيكادان حالىقارالىق وليمپيادالاردا 6 التىن مەدال، 1 كۇمىس، 1 قولا مەدال ەنشىلەگەن.
العاشقى مەدالىن شوتلانديادان 2002-جىلى اكەلدى. ول حالىقارالىق ماتەماتيكا وليمپياداسنىڭ كۇمىس جۇلدەگەرى اتاندى. ءبىر جىلدان سوڭ جاپونيادا وتكەن، 2004-جىلى گرەكيادا وتكەن جارىستاردا التىن مەدال ۇتتى.
مەكتەپ بىتىرگەن سوڭ ا ق ش- تا تەحنولوگيالىق ينستيتۋتقا ءتۇسىپ، ءبىتىرىپ شىقتى. بۇگىندە امەريكادا تۇرىپ جاتىر.
«مەن ءوز ەلىمدى جاقسى كورەم. قازاقستاندى ەشقاشان ۇمىتپايمىن. امەريكادا نە جەتىسپەيدى دەپ سۇراق قويسا، قازاقتاردىڭ قوناقجايلىعى مەن جىلقى ەتى دەر ەدىم»، - دەيدى قۋات ەسەنوۆ.
ول Google كومپانياسىندا جاقسى اقشا تاباتىنىن ايتتى. الايدا جالاقى مولشەرىن ايتقان جوق.
«ەگەر شەتەلدىك كومپانياعا جۇمىسقا ورنالاسقىڭز كەلسە، اعىلشىن ءتىلىن ۇيرەنىڭىز. قازىر دامىعان زامان بارلىعىن عالامتور ارقىلى تابۋعا بولادى. وسى ەلدە دە، شەتەلدە دە جۇمىس ىستەۋگە بولادى»، - دەيدى ول.
