ايداي سۇلۋ قىزداردى ءبىر ساتتە قۇبىجىققا اينالدىرعان جىگىتتەر كىمدەر؟
ولار سۇلۋلىق ەتالوندارىنىڭ بەتىنە سىركە سۋىن شاشىپ، كەيبىرىنىڭ كوزىن اعىزىپ جىبەرگەن دەپ حابارلايدى NUR. KZ.
بەتىنە سىركە سۋى شاشىلعان ارۋلار جانتۇرشىگەرلىك وقيعانى ەشقاشان ۇمىتا المايدى.
سەبەبى مۇنداي وقيعادان كەيىن بويجەتكەندەرگە پلاستيكالىق وتانىڭ ءوزى كومەكتەسپەۋى مۇمكىن.
يتاليالىق ارۋ، «ميسس يتاليا 2007» اتانعان دجەسيكا نوتارونىڭ بەتىنە بۇرىنعى سۇيىكتىسى سىركە سۋىن شاشقان.
ويتكەنى، بويجەتكەن جىگىتتىڭ سەزىمدەرىنەن باس تارتقان ەكەن. ال جىگىت وزىنە قاراماعان ارۋدان وسىلاي كەك الىپتى.
دجەسيكا بۇگىندە اي سايىن ەمى ءۇشىن 800 ەۆرو جۇمساپ وتىرۋعا ءماجبۇر.
2012-جىلى اۆستراليالىق دانا ۆۋلين ءوزىنىڭ تىم قىزعانشاق كۇيەۋىنىڭ قۇربانىنا اينالدى. ول ايەلىن ءوزىنىڭ تانىسىنان قىزعانىپ، ەتيل سپيرتىن قۇيىپ، شىرپى جاققان.
دانا ءبىراز ۋاقىت كومادا ەس-ءتۇسسىز جاتىپ، كوپتەگەن وتانى باستان وتكەرگەن.
ال 2008-جىلى 35 جاستاعى دەنني لينچ ەسىمدى جىگىت ءوزىنىڭ سۇيگەنى، تانىمال مودەل كەتي پايپەردى سىلتىمەن كۇيدىرگەن. وسىدان سوڭ بويجەتكەن ءۇشىنشى دارەجەلى كۇيىك الىپ، قاباعى مەن سول قۇلاعىنىڭ جارتىسىنان، مۇرنىنىڭ ءبىراز بولىگىنەن ايىرىلعان.
سونداي-اق، كوزى مەن مويىنى، قولى مەن بىلەكتەرى كۇيىپ قالعان. كەتي ءۇش جىلدا 80 وتانى باستان وتكەرگەن.
ال دەنني ءومىر بويىنا باس بوستاندىعىنان ايىرىلدى.
سوچيدىڭ «كراسا سوچي» اتاعىن جەڭىپ العان ەلەونورا دا وسىنداي وقيعانى باستان كەشىرگەن.
قىزدى وزىنە قاراتا الماعان جىگىت ادام جالداپ، 1999-جىلى عاشىعىنىڭ بەتىنە سىركە سۋىن قۇيدىرادى.
ول وسى ۋاقىتقا دەيىن 300 پلاستيكالىق وتانى باستان وتكەرسە دە، بۇرىنعى كەلبەتىن قايتارا الماعان.
ال ينديالىق رەشما كۋرەش تۋعان اعاسىنىڭ قۇربانىنا اينالعان. 18 جاستاعى قىز سول وقيعادان سوڭ ءبىر كوزىنەن ايرىلىپ، دەنەسىنىڭ ءبىراز بولىگىن كۇيدىرگەن.
ال وتكەن جىلى ول كەلبەتىنە قاراماستان، مودەلدىك قىزمەتكە كىرىسكەن. ول وسى ارقىلى ادامداردىڭ بارلىعى بىردەي ەكەنىن دالەلدەگىسى كەلەدى.
شىرىن موحامادي وزىنە قۇدا ءتۇسىپ كەلگەن جىگىتتەن باس تارتقاندا 18 جاستا بولعان.
ءبىراق ازاماتتان مۇنداي شىعادى دەپ كۇتپەگەن ارۋ وڭ كوزى مەن قۇلاعىنان ايرىلادى.
دەنەسىنىڭ كوپ بولىگىن كۇيىك شالعان. ونىڭ پلاستيكالىق وتانىڭ كومەگىنە جۇگىنۋ پروتسەسى ءالى كۇنگە جالعاسىپ كەلەدى.
