ەلوردالىقتاردان «نۇرلى جەرگە» قۇجات قابىلداۋ باستالادى

None
None
استانا. قازاقپارات - استانا قالاسىنىڭ جۇمىسپەن قامتۋ جانە الەۋمەتتىك قورعاۋ باسقارماسى «نۇرلى جەر» مەملەكەتتىك تۇرعىن ءۇي قۇرىلىسى باعدارلاماسى شەڭبەرىندە استانا قالاسىندا كوممۋنالدىق تۇرعىن ءۇي قورىنان تۇرعىن ۇيگە مۇقتاجدار تىركەۋىندەگى كەزەكتىلەر ءۇشىن قۇجاتتاردى قابىلداۋدى جاريالايدى.

 بۇل تۋرالى قازاقپارات اكىمدىكتىڭ سايتىنا سىلتەمە جاساپ حابارلايدى.

 حالىقتىڭ قالىڭ جىگىن تۇرعىن ۇيمەن قامتاماسىز ەتۋ ماقساتىندا قازاقستان رەسپۋبليكاسى ۇكىمەتىنىڭ 2018 -جىلعى 22 ماۋسىمداعى № 372 قاۋلىسىمەن «نۇرلى جەر» مەملەكەتتىك تۇرعىن ءۇي قۇرىلىسى باعدارلاماسى (بۇدان ءارى - باعدارلاما) بەكىتىلگەن. وسى باعدارلاما شەڭبەرىندە «قازاقستان يپوتەكالىق كومپانياسى» يپوتەكالىق ۇيىمى» اكسيونەرلىك قوعامىنىڭ تۇرعىن ءۇيى» (بۇدان ءارى - «ق ي ك» ي ۇ» ا ق تۇرعىن ءۇيى)، حالىقتىڭ بارلىق ساناتتارىنا ارنالعان «قازاقستاننىڭ تۇرعىن ءۇي قۇرىلىس جيناق بانكى» اكسيونەرلىك قوعامىنىڭ تۇرعىن ءۇيى (بۇدان ءارى - «قتقجب» اق تۇرعىن ءۇيى» ) باعىتتارى بويىنشا تۇرعىن ۇيلەردى جۇزەگە اسىرۋ قاراستىرىلعان.

 «ق ي ك» ي ۇ «ا ق» باعىتى بويىنشا 80 پاتەردى ساتىپ الۋ مۇمكىندىگىمەن جالعا بەرۋ ىسكە اسىرۋ جوسپارلانۋدا. تۇرعىن ءۇيدى ساتىپ الۋ قۇقىعىن 20 جىلعا دەيىنگى مەرزىمگە جالعا بەرۋ ۇسىنىلماق. استانا قالاسى، لەپسى كوشەسى مەكەنجايى بويىنشا ورنالاسقان كوپپاتەرلى تۇرعىن كەشەنىندە جالعا بەرىلەتىن تۇرعىن ءۇيدىڭ 1 شارشى مەترى 838 تەڭگەنى قۇرايدى، ونىڭ ىشىندە: 25 - 39,34-تەن - 41,51-گە دەيىن ش. م ءبىر بولمەلى پاتەر؛ 41 - 54,71-دەن - 67,37-گە دەيىن ش. م ەكى بولمەلى پاتەر؛ 14 - 76,88-دەن - 77,69-عا دەيىن ش. م ءۇش بولمەلى پاتەر.

«ق ت ق ج ب» ا ق تۇرعىن ءۇيى» باعىتى بويىنشا باعدارلاما شارتتارىنا سايكەس استانا قالاسىندا كوممۋنالدىق تۇرعىن ءۇي قورىنان تۇرعىن ۇيگە مۇقتاجدار ەسەبىندە تۇرعان ازاماتتار (كەزەكتەگىلەر) كەلەسى ساناتتار بويىنشا قابىلداي الادى: كوپبالالى وتباسىلار، تولىق ەمەس وتباسىلار، مۇگەدەك بالالارى بار نەمەسە تاربيەلەپ وتىرعان وتباسىلار، جەتىم بالالار، اتا- اناسىنىڭ قامقورلىعىنسىز قالعان بالالار، ورالماندار، مەملەكەتتىك قىزمەتشىلەر، اسكەري قىزمەتشىلەر، ارناۋلى مەملەكەتتىك ورگانداردىڭ قىزمەتكەرلەرى، بيۋدجەتتىك ۇيىمداردىڭ قىزمەتكەرلەرى، 1 جانە 2-توپتاعى مۇگەدەكتەر. وسى باعىتتاعى قاتىسۋشىلاردى قالىپتاستىرۋ مىنا كىشى توپتار مەن ولشەمدەرگە سايكەس جۇرگىزىلەتىن بولادى: 1-كىشى توپ - جوعارىدا كورسەتىلگەن ساناتتاعى كەزەكتە تۇرعاندار، كەمىندە 3 جىل نەكەدە، بالالارى (بالاسى) بار جانە جۇبايلاردىڭ ەكەۋىنىڭ دە جاسى وتىز بەس جاسقا تولماعان (باعدارلاماعا قاتىسۋعا ءوتىنىش بەرۋ ساتىندە)، سونداي- اق بالالاردى (بالانى) جاسى وتىز بەسكە تولماعان، ونىڭ ىشىندە اجىراسقان، جەسىر/تۇل قالعان اتا- انانىڭ ءبىرى عانا تاربيەلەپ وتىرعان «تولىق ەمەس وتباسىلار»؛ 2-كىشى توپ - 1-كىشى توپقا ەنگىزىلمەگەن، جوعارىدا كورسەتىلگەن ساناتتاعى كەزەكتە تۇرعاندار. «ق ت ق ج ب» ا ق تۇرعىن ءۇيى» باعدارى بويىنشا استانا قالاسىنىڭ اكىمدىگى مەن «قازاقستاننىڭ تۇرعىن ءۇي قۇرىلىس جيناق بانكى» اكسيونەرلىك قوعامى (بۇدان ءارى - «ق ت ق ج ب» اق) اراسىندا استانا قالاسىندا №№ 23-31, 23-16, 23-17, 23-30, ا98 (جوبالىق اتاۋلار) كوشەلەرى قيىلىسى اۋدانىندا كوپپاتەرلى تۇرعىن ءۇي كەشەنىندە ورنالاسقان 4 كلاستى جايلىلىقتى، تۇرعىن ءۇيدىڭ 1 شارشى مەترى 120 تەڭگە بولاتىن 21 پاتەردى ساتۋ بويىنشا 2016 -جىلعى 26 - شىلدەدە ىنتىماقتاستىق تۋرالى كەلىسىمگە قول قويىلعان.

ونىڭ ىشىندە: 3 - 39,4-تەن - 42,48-گە دەيىن ش. م ءبىر بولمەلى پاتەر؛ 15 - 57,59-دان - 58,43-كە دەيىن ش. م ەكى بولمەلى پاتەر؛ 3 - 76,97-دەن - 78,06-عا دەيىن ش. م ءۇش بولمەلى پاتەر. تۇرعىن ءۇي ءوز قاراجاتى نەمەسە تۇرعىن ءۇي قۇرىلىس جيناعىنان، نەسيە ەسەبىنەن تىكەلەي ساتىپ الۋ ارقىلى جەكە مەنشىككە بەرىلەدى. تولەم قابىلەتتىگى راستالماعان جاعدايدا تۇرعىن ءۇي 8 جىلدان اسپايتىن مەرزىمگە ساتىپ الۋمەن جالعا بەرىلەدى.

«ق ت ق ج ب» ا ق تۇرعىن ءۇيى» باعىتى بويىنشا باعدارلاما شارتتارىنا سايكەس استانا قالاسىندا كوممۋنالدىق تۇرعىن ءۇي قورىنان تۇرعىن ۇيگە مۇقتاجدار ەسەبىندە تۇرعان ازاماتتار (كەزەكتەگىلەر) مىنا ساناتتار بويىنشا قاتىسا الادى: جەتىم بالالار، اتا- اناسىنىڭ قامقورلىعىنسىز قالعان بالالار، ۇلى وتان سوعىسىنىڭ مۇگەدەكتەرىنە جانە قاتىسۋشىلارىنا تەڭەستىرىلگەن تۇلعالار، جاسىنا قاراي زەينەتكەرلەر، ورالماندار، تولىق ەمەس وتباسىلار، مەملەكەتتىك قىزمەتشىلەر، اسكەري قىزمەتشىلەر، ارنايى مەملەكەتتىك ورگانداردىڭ قىزمەتكەرلەرى، بيۋدجەتتىك ۇيىمداردىڭ قىزمەتكەرلەرى.

 قۇجاتتاردى قابىلداۋ ءوتىنىش بەرۋشىنىڭ ەلەكتروندىق سيفرلىق قولتاڭباسىن قولدانۋمەن، e.astana.kz ۆەب- پورتالى ارقىلى عانا جۇزەگە اسىرىلادى، «ق ي ك» ي ۇ» ا ق تۇرعىن ءۇيى» جۇيەسىندە - 2018 -جىل 3-5 - قازان ارالىقتارىندا (قوسا العاندا)، «ق ت ق ج ب» ا ق تۇرعىن ءۇيى» جۇيەسىندە - 2018 -جىلعى 10 - 12 - قازان ارالىقتارىندا (قوسا العاندا). پورتالدىڭ جۇمىس ىستەۋ ۋاقىتى - تاۋلىك بويى.

تۇرعىن ءۇيدى الۋعا ۇمىتكەرلەرگە قويىلاتىن نەگىزگى تالاپتار:

 1) قازاقستان رەسپۋبليكاسىنىڭ ازاماتتىعى نەمەسە ورالمان مارتەبەسىنىڭ بولۋى؛

 2) ءوتىنىش بەرگەن كۇنگە سوڭعى ەكى جانە ودان دا كوپ جىل استانا قالاسىندا تۇراقتى تىركەۋدە بولۋى؛

 3) باعدارلاماعا قاتىسۋشىنىڭ جانە ونىمەن بىرگە تۇراتىن وتباسى مۇشەلەرىنىڭ (جۇبايىنىڭ، كامەلەتتىك جاسقا تولماعان بالالارىنىڭ)، سونداي- اق وتباسى قۇرامىنا كىرەتىن جانە وتىنىشتە كورسەتىلگەن وتباسىنىڭ وزگە دە مۇشەلەرىنىڭ: ءاربىر وتباسى مۇشەسىنە پايدالى الاڭى 15 شارشى مەتردەن كەم بولاتىن جاتاقحاناداعى بولمەنىڭ بولۋى؛ وسى تۇرعىن ءۇيدىڭ ورنالاسقان جەرى بويىنشا جەرگىلىكتى اتقارۋشى ورگاننىڭ ءتيىستى انىقتاماسىمەن راستالاتىن قۇلاۋ (قيراۋ) قاۋپى بار اۆاريالىق جاعدايداعى بالشىقتان قۇيىلعان جانە قاڭقالى- قامىستى تۇرعىن ۇيلەردى قوسپاعاندا قازاقستان رەسپۋبليكاسىنىڭ اۋماعىندا مەنشىك قۇقىعىندا (ورتاق بىرلەسكەن مەنشىگى، وسى تارماقشادا كورسەتىلگەن تۇرعىن ءۇي بىرلىگى رەتىندە وزگە وتباسى مۇشەلەرىمەن ورتاق بىرلەسكەن (ۇلەستىك) مەنشىگىن قۇرايتىن ۇلەستىك مەنشىكتەگى ۇلەسى)؛

 4) باعدارلاماعا قاتىسۋمەنەن جانە ونىمەن ۇنەمى بىرگە تۇراتىن وتباسى مۇشەلەرىنىڭ (جۇبايىنىڭ، كامەلەتكە تولماعان بالالارىنىڭ)، سونداي- اق وتباسى قۇرامىنا كىرەتىن جانە وتىنىشتە كورسەتىلگەن وتباسىنىڭ باسقا مۇشەلەرىنىڭ قازاقستان رەسپۋبليكاسىنىڭ اۋماعىندا سوڭعى 5 (بەس) جىل ىشىندە تۇرعىن ءۇيدى اۋىستىرۋ نەمەسە وزىنە مەنشىك قۇقىعىندا تيەسىلى تۇرعىن ءۇيدى يەلىكتەن شىعارۋ ارقىلى تۇرعىن ءۇي جاعدايلارىن ادەيى ناشارلاتۋى فاكتىلەرىنىڭ بولماۋى؛

 5) ساتىپ الۋ قۇقىعىمەن جانە ساتىپ الۋسىز جالعا بەرىلەتىن تۇرعىن ءۇيدى ىسكە اسىرۋ شارتتارى بويىنشا ءتيىستى كىرىستەرىمەن مىندەتتەمەلەردى ورىنداۋ مۇمكىندىگىن راستاۋ (تولەم قابىلەتتىلىگىن باعالاۋ). باعدارلاما شەڭبەرىندە قۇجاتتاردى قابىلداۋ مەرزىمى ىشىندە ءوتىنىش تەك ءبىر رەت بەرىلۋى مۇمكىن. ءوتىنىش كوممۋنالدىق تۇرعىن ءۇي قورىنان تۇرعىن ۇيگە مۇقتاجدار ەسەبىندە تۇرعان كەزەكتەگى ادامدار بەرۋى ءتيىس. ەگەر، ءوتىنىش بەرۋشى كەزەكتەگىلەر تىزىمىندە بولماسا، ءوتىنىش جويىلادى. ءوتىنىشتى پورتال ارقىلى تولتىرماس بۇرىن، ءوتىنىشتى بەرۋ نۇسقاۋلىعىمەن تانىسۋ قاجەت.

 تۇرعىن ۇيلەردى الۋعا ۇمىتكەرلەر مىناداي قۇجاتتاردى ۇسىنۋى قاجەت:

 1) بەلگىلى ءبىر پاتەر تۇرىنە ارنالعان ءوتىنىش (بۇدان ءارى - ءوتىنىش)؛

 2) ءوتىنىش بەرۋشى مەن ونىڭ وتباسى مۇشەلەرىنىڭ جەكە باسىن كۋالاندىراتىن قۇجات؛

3) ءوتىنىش بەرۋشىنى جانە ونىمەن تۇراقتى بىرگە تۇراتىن وتباسى مۇشەلەرىن تۇرعىلىقتى جەرى بويىنشا تىركەۋ تۋرالى مەكەنجاي انىقتاماسى؛

 4) نەكە قيۋ/نەكەنى بۇزۋ، جۇبايىنىڭ/زايىبىنىڭ قايتىس بولۋى، بالالاردىڭ تۋۋ تۋرالى كۋالىكتەرى، ءوتىنىش بەرۋشىنىڭ نەكەدە تۇرمايتىندىعى تۋرالى نوتاريات كۋالاندىرعان ءوتىنىش؛

 5) ءوتىنىش بەرۋشىنىڭ جانە ونىمەن تۇراقتى بىرگە تۇراتىن وتباسى مۇشەلەرىنىڭ قازاقستان رەسپۋبليكاسىنىڭ اۋماعى بويىنشا مەنشىك قۇقىعىنداعى ءۇيىنىڭ نەمەسە ساتىپ الۋمەن جالدامالى تۇرعىن ءۇيىنىڭ بار نەمەسە جوق ەكەندىگى تۋرالى انىقتاما؛

 6) جىلجىمايتىن مۇلىككە تىركەلگەن قۇقىقتار جانە ونىڭ تەحنيكالىق سيپاتتامالارى (بالشىقتان قۇيىلعان جانە قاڭقالى- قامىستى تۇرعىن ۇيدەگى، جاتاقحاناداعى بولمەدە ۇلەسى بولعان كەزدە) تۋرالى انىقتاما، سونداي- اق اتالعان جاعدايلاردا مەنشىك قۇقىعىنىڭ تۋىنداۋىن راستايتىن قۇجاتتار؛

 7) ءوتىنىش بەرۋشىنىڭ باسقا ادامدارىن وتباسى مۇشەلەرى رەتىندە تانۋ تۋرالى سوت شەشىمى؛

 8) جالاقى تۋرالى انىقتاما؛

 9) جۇمىس ورنىنان انىقتاما؛

 10) كەزەكتىلىك ءنومىرىن نەمەسە بىرەگەي ءنومىردى كورسەتە وتىرىپ تۇرعىن ۇيگە مۇقتاجدار (باعدارلاماعا قاتىسۋعا ءوتىنىش بەرگەن كەزدە) ەسەبىنە قويۋ تۋرالى مالىمەتتەر؛

 11) «تۇرعىن ءۇي قاتىناستارى تۋرالى» قازاقستان رەسپۋبليكاسى زاڭىنىڭ 67-بابىندا ايقىندالعان ساناتتارعا ءوتىنىش بەرۋشىنىڭ قاتىسىن راستايتىن قۇجاتتار.

قاجەت بولعان جاعدايدا، ازاماتتار «استانا قالاسىنىڭ جۇمىسپەن قامتۋ جانە الەۋمەتتىك قورعاۋ باسقارماسى» مەملەكەتتىك مەكەمەسىنىڭ قىزمەتكەرلەرىمەن قوسىمشا قۇجاتتار ۇسىنۋ نەمەسە ءوتىنىش يەسىمەن بەرىلگەن مالىمەتتەردى انىقتاۋ ءۇشىن شاقىرىلۋى مۇمكىن. وتباسى قۇرامى (وتباسى مۇشەلەرىنىڭ سانى) تالاپ ەتىلگەن پاتەردىڭ الاڭىنا اسەر ەتپەيدى، ۇمىتكەرلەر ءوز قالاۋى بويىنشا پاتەر ءتۇرىن كورسەتەدى. ءوتىنىش بەرۋشىلەر اراسىندا الدىن الا ىرىكتەۋ استانا قالاسى اكىمدىگىنىڭ جانىنداعى تۇرعىن ءۇي كوميسسياسىمەن (بۇدان ءارى - كوميسسيا) «نۇرلى جەر» تۇرعىن ءۇي قۇرىلىسى باعدارلاماسى شەڭبەرىندە تۇرعىن ۇيگە مۇقتاجدىلاردى ەسەپكە قويۋ تىزىمدەرىنە جانە سول كەزەككە تۇرعان كۇنىنە سايكەس جۇرگىزىلەدى.

ءوتىنىش بەرۋشىلەردىڭ تولەم قابىلەتتىلىكتەرىنە ىرىكتەلگەن باعالاۋ جۇرگىزگەننەن كەيىن كوميسسيا استانا قالاسى اكىمدىگىنىڭ ينتەرنەت- رەسۋرستارىندا جاريالاناتىن باعدارلاما قاتىسۋشىلاردىڭ تۇپكىلىكتى ءتىزىمىن بەكىتەدى. باعدارلاما شەڭبەرىندە باعدارلامانىڭ بارلىق باعىتتارى جانە قازاقستان رەسپۋبليكاسىنىڭ بارلىق وڭىرلەرى بويىنشا 1 بىرلىكتەن اسپايتىن تۇرعىن ءۇيدى جەكە مەنشىككە ساتىپ الۋعا نەمەسە ساتىپ الۋ مۇمكىندىگىمەن جالعا بەرۋگە بولادى.

سوڭعى جاڭالىقتار