رەسەي بانكتەرى ەلگە ەۋرونى كوپتەپ كىرگىزە باستادى

None
None
استانا. قازاقپارات - رەسەي بانكتەرى جاڭا سانكسيادان قاۋىپتەنىپ ەلگە دوللار كىرگىزۋدى ازايتىپ، كوپ كولەمدە ەۋرو اكەلىپ جاتىر.

رەسەي ورتالىق بانكىنىڭ ستاتيستيكاسى بويىنشا، شىلدەدە رەسەي بانكتەرى ارقىلى 2014-جىلدان بەرى بولماعان سوما - قولما-قول اقشامەن 2 ميلليارد ەۋرو كىرگىزىلگەن. وسى ۋاقىتتا بانكتەردىڭ رەسەيگە كىرگىزگەن دوللار كولەمى ەكى ەسەگە ازايىپ، 900 ميلليون دوللاردى قۇراعان.

ەۋروپا ورتالىق بانكى رەسەيدە ەۋرونى كوپتەپ ساتىپ الۋ تەندەنتسياسى بارىن راستادى. رەسەي ۇكىمەتى جازدا سىرتقى ساۋدادا دوللارمەن ەسەپ ايىرىسۋدان بىرتىندەپ باس تارتاتىنىن جاريالاعان. تاۋار ەكسپورتتاۋشىلار رەسەي بيلىگىنىڭ بۇل شەشىمىن ا ق ش- تىڭ رەسەي بانكتەرىنىڭ ەلدە جۇمىس ىستەۋىنە ءىس جۇزىندە تىيىم سالۋعا دايىندالۋىمەن بايلانىستىرادى. ا ق ش سانكتسيا سالعان جاعدايدا رەسەي ەۋرونى قولدانۋى ىقتيمال.

بۇعان دەيىن ۆ ت ب بانكىنىڭ باسشىسى اندرەي كوستين رەسەي پرەزيدەنتى ۆلاديمير پۋتينمەن كەزدەسۋدە رەسەي ەكونوميكاسىندا ا ق ش دوللارىنىڭ ءرولىن تومەندەتىپ، حالىقارالىق ەسەپ ايىرىسۋدا رۋبلدى قولدانۋ اياسىن كەڭەيتەتىن ۇسىنىستار جاساعان. ول پرەزيدەنتتەن ۇكىمەت پەن ورتالىق بانككە وسى ۇسىنىستى قولداۋىن تاپسىرۋدى سۇراعان.

«سۋرگۋتنەفتەگاز» كومپانياسى ەندىگى كونتراگەنتتەرگە قاجەت بولعان جاعدايدا دوللاردىڭ ورنىنا ەۋرومەن ەسەپ ايىرىسۋدى ۇسىندى.

قىركۇيەكتە اندرەي كوستين Bloomberg اگەنتتىگىنە جاڭا سانكسيالارعا بايلانىستى بانكتەر دوللارمەن دەپوزيت اشقاندارعا اقشالارىن باسقا ۆاليۋتامەن بەرۋى مۇمكىن ەكەنىن مالىمدەگەن. كەيىن ورتالىق بانك باسشىسى ەلۆيرا نابيۋللينا مەن سبەربانك باسشىسى گەرمان گرەف بۇل ۇسىنىستاردى قابىلداماي تاستاعان.

«ازاتتىق»

سوڭعى جاڭالىقتار