18:17, 27 - قىركۇيەك 2018 | GMT +5
تانىمال ساراپشى: ءتول تەڭگە رەكوردتىق دەڭگەيدە قۇلدىرايدى
استانا. قازاقپارات - تەڭگەنىڭ تاريحي قۇلدىراۋىنا از ۋاقىت قالدى. بۇل تۋرالى «الپاري» كومپانياسىنىڭ ديرەكتورى ءمالىم ەتتى دەپ حابارلايدى Sputnik قازاقستان.
الەكساندر رازۋۆايەۆتىڭ پىكىرىنشە، دوللار باعامى جاقىن ارادا 400 تەڭگەگە دەيىن قىمباتتايدى. وعان رەسەيدەگى مولشەرلەنگەن ءالسىز رۋبل ساياساتى سەپ بولۋى مۇمكىن.
ساراپشى تەڭگە مەن رۋبلدىڭ قاشاننان تىعىز قارجىلىق بايلانىستا ەكەنىن ايتا كەلە، كورشى ەلدەر ەكونوميكاسىنىڭ دا ۇقساس ۇلگىدە قۇرىلعانىن اتاپ ءوتتى.
ال ۇلتتىق بانك باسشىسى دانيار اقىشەۆ ءوز كەزەگىندە ۇزاق مەرزىمدە تەڭگەنى ايىرباستاۋ كۋرسى قازاقستاننىڭ تولەم بالانسىمەن تىكەلەي بايلانىستى ەكەنىن ايتىپ، رۋبل مەن تەڭگەنىڭ ءوزارا تاۋەلدىلىگى - ۋاقىتشا قۇبىلىس دەگەن بولاتىن.
